【升小流程】10大家長常犯錯誤

又到津校大抽獎及直私小學面試通知或公布結果的季節。經常聽到有家長為子女報考超過10間直私，而且間間都係名校或者龍校，搞到面試日期撞到七彩。又有家長以為幫子女報多啲課外活動或者面試班，面試表現或取錄機會會被睇高一線。大抽奬選校過分進取或保守，均有機會衍生不同的問題，填三條一又係咪真係可以增加取錄機會？找來升學顧問Ian Tsang 幫大大家解疑難。

1.直私報得多就能增加取錄機會？

好多時家長報學校都缺乏方向，甚至有錯覺，以為愈報得多就愈好。事實上，報得多唔代表可以in得晒。每年10月係直私面試高峰期，很多學校會定在同一日面試；其次，家長好多時沒有細心揀學校，以為面試只有一種模式，或者同一條問題只會有一種答案。全港數十間直私小學，每間的收生要求都唔同，以為in多幾個當綵排？實情中後期面試的多數為傳統學校，對內向的小朋友來說，呢種單對單的面試模式可能會嚇怕他們，所以報多幾間係唔會增加取錄機會。

2.單靠口碑選校

大部分香港家長都好忙碌，未必有時間聽晒心儀學校的簡介會，除了上網搜集資料，她們很多時會在媽媽群組向同路人取經。呢種方法未必適合所有小朋友，或者得出的結論就係選hit的學校，但呢類學校競爭好大；選口碑ok的，又隨時唔適合自己的小朋友。

3. 以為派位無乜風險　只報名直私

名校唔一定因為升中派位理想，有些可能只是公關手段出色。有些家長以為子女身處好校網，即較多好學校的校網，派位會有優勢，唔會派得太差，繼而只揀選最hit的直私學校；或者子女正讀龍幼，以為多數可以原校升讀小一，所以只報較原校更受歡迎的直私；亦有家長以為20分在手已好足夠，選擇進取型填表同時揀最有名的直私。過分進取以及方向唔清晰，得出結果隨時事與願遺。