【許許與小BELLA】識生最好生大B? 細B真係執輸啲?

2018-02-27


我Bella 11月頭出世,屬於細B。我記得陀住佢既時候,有幾位母親同我講,下胎要生大B喇,你肚入面呢個做超大B啦!原來有媽媽會好緊張大B細B理論,其實當時我邊有意識去理大B定細B,我每日只是好專心地數緊胎動,完全對大B細B的概念不知不覺。
Bella出世後,專心湊佢只會顧住佢既食飽訓健康,成長里程全部跟書養,更加唔會覺得佢係細B有問題。

 

不過時間真係過得快,最近又係要報PN同K嘅季節。好多平台已教人面試技巧,我終於感覺到細B真係執輸啲,當我仲諗緊俾唔俾Bella讀PN班,

上網望過幾間學校嘅時候,原來都唔到我哋諗想讀定唔讀。無錯,好多都係開始接受報名,但好多都註明8月初前出世才合資格報名,即是後補表都唔俾遞,連面試機會都無!

其實不難理解幼兒園嘅想法,一來要足兩歲先可以讀N,插班生太多並非間間學校都想,而且插班位都未必多。二來,一月出世同十一月出世比較,大仔早咗10個月識行識講嘢,當然係易控制、易教啲啦。如是者要讀N班,就又要再去搵過另一間肯收表嘅,同時又要諗埋若面試唔得,要保險嘅話,到底要報定幾多間?

其實我一向都傾向順其自然,只係返個N, 甚至K,我應該都唔會報跨區要搭車了,但屋企附近有N讀嘅幼兒園又不多,只餘下一間未開始接受報名,如果又不接受申請,或面試後唔收,插班又無位,那就更注定讀N無緣,索性唔讀N吧!畢竟我覺得N都只係比多個環境,跟不同嘅人俾Bella去面對去相處,有多個方玩固然好,但若果無我都不太擔心,當初做全職媽媽,就係想花多D時間自己教好佢陪佢玩。

至於做唔做超大B,11月初真係超大吧,要再睇Bella嘅發展了。反正一定不會刻意,加上我覺得當小朋友去到 K2/3學懂自理後,大B細B嘅發展距離都已經越拉越近。而且我成日都認為,一個人始終都係性格決定命運多,並非生日月份。所以,都會集中培養佢嘅性格發展,開開心心過童年先最重要。所以就算細B執輸,都係執輸於入學頭一兩年嘅取錄模式。雖然細B會較難獲取錄,但我相信仍然有幼兒園會有教無類的。甚麼要人再生就要生大B,難道9~12月唔再有BB出世?甚麼赢在起跑線之類的建議,難道又保證會赢一世嘛?!

作者:許許與小BELLA

相關文章:

【許許與小BELLA】難道湊個「好」字真係咁重要?!

【許許與小BELLA】世上未必只有媽媽好,但沒媽的孩子一定像堆草!

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
6歲壽星女Lucy生日大擺萌爆甫士 單眼瞇眼放電 一舉動晒家姐風範
2024-03-29
獨家︱港島傳統名校學生指控校方涉侵犯私隱 查電腦紀錄兼備份 教局:已要求學校檢視
2024-03-28
玩具兒童硬頁書裝訂塑膠環易脫落有潛在危險 海關發禁制通知飭令停售
2024-03-28
查看更多   ▸