×

Home

 

爸媽Junior文章打印

來自網址: http://www.ohpama.com/?p=274795

生仔大計 March 12, 2018

【超詳細】媽媽全體驗 政府、私家順產大不同:俾多啲錢生B值得嗎?

原來好多人以為入得私家醫院梗係開刀,順產去政府就得啦。我兩胎都順產,兩款都試晒,又同大家分享吓有咩分別🙋🏻‍♀️(注意:超超超長文)

事源如果第一胎唔係產檢知道珈珈一出世就要兒科跟進,第一胎已經揀咗私院生啦。當時問咗私院一出嚟都係即刻要去返政府檢查,所以就唔勞民傷財囉。反而又俾咗多一個體驗我認真,呢啲一生人無幾多次經歷嘅野,生B真係半隻腳踏入鬼門關。經歷晒兩款之後,更鼓勵大家要對自己好啲唔好慳呢啲果你另一半同你講件事好奢侈,不如睇晒先講,咪委屈自己。

產前檢查:
揀邊度生都係會政府+私家兩邊睇晒;唐氏,糖尿,驗血果啲政府做;再自行驗埋T21

作動入院嗰一刻:
政府係方便嘅,因為不論call白車定自己去;間醫院一定係最近,同埋即使假宮縮放流料,都係經濟實惠。
私家好似我咁,由西貢去跑馬地,如果返工時間作動就大鑊,所以果朝6點幾都出車去左先。但35周嗰鋪假宮縮未生得變咗留院一日檢查,就玩咗我$17xxx。同埋34周前一定要去政府,太早產私院唔收,所以可以過左34周先去落訂。