【荔枝孖媽】培養孩子同理心的簡單體驗

2018-03-24


在遊戲治療當中,治療師做評估嘅時候最重要係可以嘗試企喺對方的立場,多方面思考想出小朋友行為的原因,治療師可以有機會去瞭解兒童嘅反應、感受及想法,同理同理係好重要,而孖媽每次喺治療過程中,都會視之為同你心,由小朋友的角度出發,陪小朋友一齊發展可信賴嘅治療關係,當小朋友感到我對佢嘅明白、接納,無形係幫助緊佢哋可以重新探索自己,解開心結,以致能健康的成長與發展。

回到平日小朋友成長過程中,孖媽亦絕對相信愈有同理心嘅孩子,愈懂得幫助其他人,定能具備較好的社會適應能力及人際關係,無論係學校、係社會、甚至將大長大喺職場,都會有比較好嘅表現,同理心一般都唔係天生養成,而係要靠後天慢慢練習。

平日我們都會盡力培養孩子換位思考,站在對方嘅立場,體諒他人、雖然孖寶仲係好細過,未必可以完全理解當中全部意思,但我相信每天一點一滴慢慢培養起來都係好重要的。

每個人天生出來就已經有理解別人嘅能力。最簡單嘅例子就係,當BB聽到其他BB 喊嗰陣,佢自己都會開始喊。之前外國有研究發現,個D會跟著喊嘅BB,第時長大之後都偏向會有比較大嘅同理心。甚至有兒童行為學實驗發現,14個月大嘅BB就會嘗試主動幫助成人拎物品。

同理心同智能和體能唔同,同理心嘅發展係需要透過學習嘅。而且係需要孩子去設身處地,企係對方嘅立場去體會別人嘅心情,當中亦要包括成年人加以解釋,咁樣同理心嘅陪養先可以全面發展。

同理心,絕對係人際關係嘅重要基礎,以下簡單幾項小分享大家都可以一起培養小朋友嘅同理心呀;

父母以身作則,自然會成為孩子嘅榜樣

父母係孩子成長嘅榜樣。大家都有聽過「言教不如身教」,由父母親身示範一定來得有效。無可否認以家好多父母都因為工作繁重,返都屋企都逼於無奈做「低頭族」,大部分時間都要用手機,往往會忽略親子間嘅親密互動時間,當孩子需要父母關心卻受到忽略,某種程度上會造成情緒上嘅起伏與不安。當孩子情緒處於不穩定狀態,心情差,就愈會將專注力放係自己身上,變咗所有嘢只係諗到自己,忽視咗身邊嘅其他人同事物。

另外,2-5歲係培養小朋友同理心嘅黃金時期,所以多d俾小朋友同其他同齡嘅小朋友接觸,喺大家嘅哭鬧同歡笑當中,孩子自然會明白每人都有自己嘅愛好和喜怒哀樂。

引導孩子認識情緒

要小朋友識得體諒別人嘅感受之前,首先要令佢哋認識不同情感。小朋友亦都要明白人係會有負面嘅情感,同正面嘅情感;所以唔需要害怕去指出小朋友有唔體貼嘅行為。父母可以溫柔又冷靜咁對小朋友講:「你剛剛講嘢嘅語氣好兇,媽媽好唔開心,好驚喔!」清楚咁令小朋友明白佢嘅行為會帶俾別人唔同嘅感受。當然,我們亦可以運用一d小遊戲嚟幫助小朋友更熟識情緒嘅表達。就好似一d圖書,繪本,俾機會小朋友去估下圖片上人物是到底係生氣、快樂、定係難過。

鼓勵小孩說出他們的感受

可能小朋友仲未識晒每個情感背後嘅原因,但係如果當小朋友想講出心裏嘅感受時,父母就請你們要認真地聽小朋友講,俾佢哋知道我們係好在乎他們嘅感受。

而如果小孩仲係好細未識得講晒 出來,父母可以鼓勵他們試下用情緒卡,point out 佢哋當下嘅感覺。父母如果日常有同小朋友講出自己嘅感覺當然都係有幫助啦,令佢地了解自己嘅行為會為別人帶來甚麼影響。同時亦可以令小朋友明白成年人都一樣會有情緒,有感覺;如何去應對負面情緒絕對係小朋友必須學習嘅課程。父母只要經常都同小朋友溝通、表達情緒,自自然然,小朋友都會懂得分辨各種感覺,進而理解其他人嘅情緒行為。我們亦可以透過角色扮演嘅遊戲,俾機會小朋友學習企喺對方嘅立場思考,表達感受。

俾機會小朋友多d接觸人群

照顧者可以俾小朋友多d接觸人群有所互動,喺日常生活中慢慢累積同理嘅經驗,even連平日我哋帶小朋友去公園玩,其實都係做就緊機會俾小朋友觀察到其他小朋友的難過同快樂,我哋可以幫小朋友試下一齊描述感覺,e.g.:「我諗嗰位小朋友玩唔到slide佢可能會好唔開心啦~」

藉由日常生活中嘅經驗,引導孩子同理其他人嘅情緒,如此一來,當孩子日後遇到類似狀況,就能運用過往嘅經驗,進而發展出同理行為。

我和孖寶的Facebook Page: 荔枝與孖寶 

我和孖寶的 Instagram IG#: laichimama

作者:荔枝孖媽

熱門文章

「恭喜 發奮 」|梁紀昌
03-08
小學決定你的人生基礎 請好好珍惜時間|梁紀昌
03-06
兒子被診斷患 自閉症 極心痛 每日尋找各種療法令人疲累 不如學懂接受令自己釋懷
02-24
兒童情緒|如何減輕 搬家 時為孩子帶來的心理壓力
09-20
教育孩子|孩子打人後的正確處理|何基佑
06-29

前世情人︳4個女兒之父分享湊女心得 養育女兒15件事爸爸須知
2024-03-29
研究︳家長咪亂對子女講大話 影響思考判斷 減低對人信任程度
2024-03-29
教養應該平平淡淡?|潮媽與威哥的正向教養
2024-03-28
尋找偉大的故事|梁紀昌
2024-03-27
認識自己的 優點 是一輩子的功課|希塔媽咪療日常
2024-03-26
四大常見 教養方式 3種有機會帶來負面效果|何基佑
2024-03-26
查看更多   ▸