【BB奶嘴試用報告】3位blogger媽媽：NUK自然母感系列奶嘴貼近親餵效果

2018-04-09

對於新手爸媽來說，為BB揀奶嘴確是一大學問。奶嘴是BB的飲食拍檔，一個適合的奶嘴，可以讓BB吃得舒適，餵奶過程暢順。怎樣才是一個合適的奶嘴？該符合哪些條件？有說設計接近媽媽乳頭的奶嘴較受BB歡迎，最近NUK推出的NATURE SENSE自然母感系列奶嘴，正是根據媽媽乳頭上實際出乳孔來研發設計。究竟自然母感系列奶嘴是否好用？立即聽聽3位blogger媽媽試用後分享！

小周董媽媽：樽餵同親餵感覺相似

試用BB：小周董弟弟—-細佬B（2個月大）

「我啲產假差不多放完，要做好3個準備先出去返工：第一係儲奶，等我第時返工都可以有足夠奶俾BB飲到至少6個月；第二係放手俾工人姐姐接觸多D BB，第三係開始減少埋身餵哺，改為用奶樽餵奶。雖然埋身好處多，但我要返工始終都要放棄全埋身，不過放工或假期有時間一定親餵，所以要選擇一款仿母乳嘅奶嘴非常重要。

呢款NUK仿母乳餵輔設計嘅NATURE SENSE 自然母感系列，有幾款不同尺寸選擇，細佬B得 2個月大，用小號或中號剛剛好。一般餵哺母乳嘅媽媽平均有6至7個出乳小孔，研究所得，媽媽最多有16個出乳小孔….(哈~我未至於多奶到咁，所以估我自己都係大約6-7個出乳孔)，見到奶嘴出奶位有幾個小孔， BB食奶感覺同媽媽親餵感覺相似，咁樣就算我返工時間用樽餵，放工再埋身親餵都可以輕鬆轉換啦。

俾BB飲用之前自己可以先用水測試一下奶嘴，見到奶樽有多個模擬母乳生理結構嘅出奶孔，確保奶液自然順暢地流出，而奶嘴位頂部嘅倍柔設計，令奶嘴柔軟且富彈性，好似親餵母乳咁貼住BB上顎，感覺柔軟舒服。

初生BB好多時都唔可以一次過飲晒一支奶，所以奶樽蓋都好重要。呢款保護蓋同樣由PP膠製成，不含BPA。獨特設計令所有出奶孔都被保護蓋覆蓋住，防止滲漏。

奶嘴位除咗仿母乳餵哺餔設計，我最鍾意係呢個升級版防脹氣自動進氣孔，令到BB好似吸吮母乳一樣流暢唔會停頓，咁就可以減少BB吞入空氣嘅機會 (啱晒最怕掃風嘅我…嘻^^” )

試咗幾次樽餵，而家佢每次用樽飲奶都笑晒口。不過好彩係，雖然樽餵BB食得容易D，但每日我都會埋身2-3次，BB都無好大抗拒。

每次BB食完奶呢個冧滋滋樣，呢份滿足感令我想繼續堅持餵哺母乳至少6個月或更長時間。下個月就要投入工作，希望做咗呢三大準備，我同BB都可以順利適應啦。」

茶Cha媽：小朋友飲奶時更有安全感

試用BB：茶哥（3歲）、Cha妹（14個月大）

「當初成為新手媽咪嘅時候，對於適合小朋友嘅奶樽要幾大容量，奶嘴要甚麼size、孔要多大，均一竅不通。及後發現，奶嘴嘅孔分不同年齡階段，好似最近NUK新出嘅NATURE SENSE自然母感系列，更貼近媽媽嘅親餵體驗，例如0-6個月可以用3小孔嘅小號及6小孔的中號奶嘴；6-18個月可以用埋9小孔嘅大號奶嘴餵米糊呢啲較濃稠嘅食物。