【趣聞】家長為孩子「屙屎」而要改時間上堂

香港的某些家長出名怪獸，事無大小，只要與孩子有關，家長必定出盡辦法控制此事，務求掌握孩子的一切。

近日有位鋼琴老師在社交平台發帖，指家長突然在上課前更改上課時間，而原因竟然是為了讓孩子回家去大便。

該老師在文中提到，由於學生在放學回家後，仍未去大便，家長估計孩子應該會在上鋼琴課後成功去大便。故此，想提早上課，讓孩子趕在有便意時回家去大便。但過了不久，家長再次聯絡老師，稱孩子已經去了大便，不需要更改上課時間了。

鋼琴老師感到既好笑又無奈，留言道：「個學生番學唔屙屎？」

去大便，是人的生活需要。不論大人還是小朋友，當便意來襲時，即使在工作上課，還是要優先處理此事。不過便意何時來臨，有時連小朋友自己都控制不到，爸媽又如何估計呢？當然，相信大家都同意在家去大便，都比在街外洗手間舒服和自在，但小朋友也要嘗試在外如廁。否則，萬一在學校、旅行，甚至長大後工作時突然有便意，真的「死忍爛忍」直至回家？忍到固然無問題，忍唔到就「大劑」了。

全文如下：

《因為屙屎而要改時間上堂》

話說家長約我平日下午4:30琴行上堂。
上星期、正當我準備去教佢時，
3:15pm收到該家長通知，問可唔可以早15mins上
(即改為4:15pm-5pm上堂)
我就話盡量趕番來啦 
(嗰日咁啱前後都無學生)

點知家長改時間原因係：
因為個學生中午放學番屋企到3:15pm都未屙屎，以平時的習慣，估佢5:30pm會屙到，
所以想5:30pm前趕番屋企屙，
仲話個學生不習慣用街外的廁所，
所以家長想盡量提早上堂，早啲番屋企解決。

到3:45pm，又再收到家長通知，
話「老師，我地可以照4:30pm上堂喇，
因為XXX 3:30pm時已經屙完屎。」

心諗，係咪咁痴線呀，好意思咁樣改來改去……..個學生番學唔屙屎？

來源：樂器·補習導師Secrets

相關文章：【湊仔爸與返工媽】肛門事 肛門了