×

Home

 

爸媽Junior文章打印

來自網址: http://www.ohpama.com/?p=282253

湊仔經 April 5, 2018

【葉偉麟】愈心急,反而愈慢

六歲男童,很憂慮自己的言行舉止在別人眼中評價,極度謹慎小心, 焦慮程度令他在公眾場合、學校幾乎都不能夠開口說話,嚴重影響社交生活。師長們都非常擔心,可是愈是心急勸告他,孩子就愈是沉默不發一言!

家長:「佢除咗係屋企之外,見到外人就好似木頭人咁呆晒企喺度,乜嘢都唔敢講, 點解佢會咁怕羞?」

我:「其實「怕羞」係一個非常負面嘅標籤。 小朋友本身已經好介意人哋點樣睇自己,驚人地注意自己嘅一舉一動。你愈係提醒佢唔使咁「怕羞」,佢就會愈在意其他人點樣睇自己, 佢嘅「安全感」問題就會愈嚴重,恧唔敢出聲。」

家長:「有咩咁唔安全? 都無人打佢鬧佢?」

我:「並唔係指身體上,而係指心態上…咁你當時咩反應?」

家長:「我已經示範俾佢睇,點樣勇敢D,講嘢大聲D,點解都係完全冇用嘅?」

我:「不要我哋換個角度諗下……你有冇啲咩係特別驚?」

家長:「….曱甴啦!… 諗起都毛管戙!!!」

我:「想像你而家置身一間充滿曱甴嘅房裏面,如果我叫你勇敢D面對曱甴,你估下自己會點?」

家長:「嘩! …好恐怖啊! 點面對啊??!!!我一定會嚇到腳軟!!..大聲叫救命兼夾走夾唔唞!」

我:「其實小朋友嘅心態都一樣已經 OVERWHELMED ! 佢當下最需要嘅 (NEEDS),係人哋帶佢離開現場,「拯救」自己,而唔係我哋家長對佢哋嘅期望 (EXPECTATION), 可以表現勇敢D面對。」

家長:「咁一遇到困難就帶佢離開, 會唔會變咗鼓勵佢做嘢逃避架?」

我:「一棵花亦唔會因為淋更多水, 而加速長大。」

家長:「插手又唔係, 唔插手又唔係,真係好難拿捏標準…..咁要做咩先可以幫到佢?」