【荔枝孖媽】Sensory Integration感統知幾多?

2018-04-18


近年相信大家對「感統」一詞都慢慢開始不再陌生,可能大家都有「聽過」亦知道係幾重要嘅嘢,但又未必知道切實嘅內容同埋應該點操作。


Sensory Integration通常稱之為感統,簡單一點就係藉由環境中各種不同嘅感覺輸入大腦,經由腦部統合之後做出合適嘅反應來應付不同嘅情境需求。

換言之,如果小朋友可以將各種「感覺加以統合、統理」嘅能力愈好,小朋友對適應環境、面對不同情境、抗壓受挫、學習能力亦會相對比較好。


以我們所熟知嘅「感覺」就分為5大類:視、聽、嗅、味、觸覺等。

另外還有兩個感覺,可能是家長未必熟知嘅,一個就係前庭覺」,另一個係本體覺」,再加上觸覺,就係我地感覺統合理論中三大主要感覺啦。

觸覺係我哋人最基本嘅感覺,亦係我哋感知世界一切事物重要嘅來源,小朋友有良好觸覺區辯力,就可以比較好咁避開危險,當然發展認知亦會不錯啦。我哋都可以透過觸摸身邊嘅事物,去感受不同輕重、大小、形狀、材質、溫度、軟硬等,這一切都會慢慢喺我哋腦中建立起印象與連結,透過每一次不斷增加經驗,都是喺度為小朋友促進認知。

另外,可能因為自己係嬰兒按摩指導師 Baby Massage Instructor嘅關係,我絕對相信touch therapy同深明當中嘅道理。簡單來講,觸覺唔單止可以傳遞情感,觸覺經驗亦同時可以安定情緒、紓解身心壓力。所以我亦好建議家長們,學識Baby Massage 日常可以幫小朋友按摩身體之外,過程中亦可以俾小朋友增加觸覺經驗。


上文提到另外兩個比較少人認識嘅感覺之一,前庭覺。

前庭覺對我們有影響嘅範圍可以好大,無論視覺以致動作協調能力、肌張力、維持姿勢嘅能力,仲有身體喺空間之中嘅位置概念等,其實前庭覺係同身體移動速度、方向等感知有關,所以,你可能會聽過人講如果前庭覺無健全咁發展,好有可能會影響協調能力,體育表現,日後書寫亦可能會比較辛苦。

我希望同大家分享一些簡單可以刺激前庭覺嘅活動等大家都可以知道一下,就好似跑步、單車、打鞦韆、玩滑梯、彈跳牀、跳繩、係有足夠安全設施之下滾動身體等,其實都係一d唔錯前庭刺激大家亦都可以做到的活動。


但係特別想提嘅一點就係依家好多地方,無論外地定香港都好興一d超長滑梯,我想提提家長刺激前庭,只係需要有方位改變,係同長度無關,過長或者係一d太激烈嘅slide反而會有反效果。如果小朋友成個過程都係唔開心嘅,面對一條咁長嘅滑梯內心係充滿恐懼,咁會令小朋友第時再面對類似遊戲時就已經覺得好驚,同時亦影響咗親子關係,小朋友會認為家長逼佢哋做d自己唔鍾意嘅野。所以好希望家長同小朋友遊戲嘅時候,都係會以小朋友可以接受為主。

最後一種想同大家介紹嘅感覺就係本體感覺,本體感覺又稱肌肉關節覺,最簡單講法即係身體感受肌肉、關節、骨頭所傳來嘅感覺,肌肉收縮快慢、關節活動等都係同本體覺有關。身體嘅協調能力,就好似我哋做事嘅順序同效率等,如果家長覺得小朋友玩玩具力道控制得唔太好,好易就會推倒,整壞嘢,咁有可能就係同本體覺發展有關係。

如果想令本體覺發展得更好,會建議家長多d俾小朋友運用到肌肉同關節。但係依家嘅小朋友都要花很多時間在學術成績上、一般運動量都唔太足夠,所以刺激量就自然不足。最簡單球類運動、會應用到大肌嘅攀爬、武術運動都係一d好好去刺激本體覺嘅活動。


In General 小朋友發展感統能力黃金時期可以話係6歲前,所以分享一些基本知識同大家都可以做到嘅活動,希望各位家長都可以把握黃金期,幫助小朋友發展得更好唷!


至於一些感統訓練跟小活動可以參考我們之前嘅一些文章:


家中自玩upcycling環保入樽小遊戲, 專注力 手部小肌肉UP


‘夾出專注力’ 衣服夾: 助孩子夾出不一樣嘅想像力跟創造力 同時亦可以強化小手肌 為小朋友預備一雙執筆的手


在家自教系列 之 雞蛋都可以訓練!?


孖寶御用嘅兒童體適能教練Children’s Fitness Instructor: 運雞蛋小遊戲分享 

我和孖寶的Facebook Page: 荔枝與孖寶 

我和孖寶的Instagram IG#: laichimama

If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com

作者:荔枝孖媽

熱門文章

親子手作|訓練小朋友的手眼協調 DIY「夾公仔機」只需3種材料|何穎恩姑娘
03-08
中文作文3大通病 寫好文章靠一個方法成進步關鍵︳張欣欣
02-23
農曆新年應節小實驗|一個年桔+2樣材料 祈求來年運勢步步高陞 大吉大利
02-14
室內小遊戲 |10個零成本、玩足1日 室內親子小遊戲
08-31
復活節DIY |12個得意方法 教你設計出獨一無二復活蛋
04-12

小五英文寫作 呈分試 攻略《三》:幫詞彙「升呢」| 師C密語
2024-03-25
中文DSE寫作 ︳中文論說文例子佐證2大原則 必學4種舉例種類︳張欣欣
2024-03-21
星聲講故事2024|新文化運動的推手 胡適
2024-03-18
學英文︱有外傭在家,小朋友英文會變得更好?|Spencer sir
2024-03-17
學英文︱DSE考生由不合格到Level 3絕地反擊 補底學生不靠死背範文 2大應試心得|Spencer sir
2024-03-13
專家教5大元素帶動學習效能 解決不專心、不夠勤力︳兒童心理
2024-03-12
查看更多   ▸