×

Home

 

廿四孝熱話文章打印

來自網址: http://www.ohpama.com/?p=286206

戶外郊遊 April 19, 2018

【放電好去處】九龍區摩士公園。八個遊戲區,玩滑梯打鞦韆。超放電!

天氣好嘅時候,我都會盡量安排戶外活動俾和牛B。

讓和牛B可以吸呼新鮮空氣,曬多啲太陽,吸收維他命D,睇多啲綠色嘢。

今次,我哋嚟到九龍區樂富與黃大仙交界嘅「 摩 士 公 園 」。

呢個地點,如果搭地鐵去黃大仙站又或樂富站落車,都一樣需要步行大約10分鐘,路程亦都差唔多。

摩士公園其實分咗四個部分,有一號、二號、三號及四號。而我哋今次主要係去三號公園玩,因為已經好夠放電了!

三號公園入面嘅兒童遊樂場區域,分成咗八個小區。六個鞦韆八條滑梯,攀爬類嘅遊戲組亦都有唔少。

我哋從鳳舞街近摩士體育館入口進入,途經會見到公廁及小食亭。

而兒童遊樂場附近都有一個公廁,仲有育嬰室。

第一區,適合幼兒滑梯遊戲組,旁途仲有軚盤遊戲及鼓。

可以作親子互動嘅圓圈板。

唔會太斜或太高,有少少波浪形嘅滑梯。

旁邊仲有訓練小朋友平衡、力量、膽量嘅搖搖遊戲組。

小朋友要靠自己運用力量,將重心轉移,令到搖搖裝置郁動,彈下彈下。