【暖男爸爸】為女兒減80磅兼學護膚

Keith笑言由細肥到大，小四起已被叫「肥仔」。到出來工作，身形更像吹脹了一樣，高峰期重達288磅，著衫都是加加大。

他卻從不介懷，還自豪可以打籃球，身手不知幾靈活。檢查身體，膽固醇更是踩界，故大條道理安慰自己，愛吃便吃沒問題。

所以，吃菠蘿包他會配埋Pizza包；去茶餐廳點蛋撻必定叫三個；最愛煎炸油膩甜嘢凍嘢，午餐肉更不能少。

大學時認識的女友，後來變為太太，體重不足100磅，他是她的三倍。

太太曾叫他減肥，但他很少理，還嫌對方煩，經常叫他食雞肉不要吃雞皮，「而我就偏偏第一啖食咗塊雞皮。」

Keith是最佳例子，印證女兒是爸爸的前世情人。

怕自己肥hurt到女兒

然而，七年前，他開始改變。

當時太太懷孕四個月，Keith如常打籃球，卻在更衣室，接連兩次被小朋友笑好肥。

「頭兩次當聽唔到，只覺童言無忌。但到第三次，是同一個月內發生，在街上又被小朋友笑肥。那次太太在旁，我開始想，若女兒出世，我去接放學，佢啲同學同樣笑佢爸爸肥，女兒肯定好hurt。」

「而且，有了孩子，責任重大，會想我咁肥邊夠氣跟女兒玩；又擔心身體有事，邊個照顧佢。以前啲人話修身、齊家，若然自己都管理不好自己，又如何照顧屋企人？」

這刻，他決心減肥。

太太當然震驚，因為連結婚影結婚相，老公都唔肯減肥，現在為了女兒，乜都肯制。太太話：「聽完諗，你咪試下囉！」

Keith話肥人都有個特定飲食模式，「就是食嘢好快；我五分鐘可以食完盒叉燒食，像倒下咁。最愛煎炸油膩甜食同凍飲。只要針對這些減肥，都會有幫助。」