【陪月辛酸血淚屎】麻煩奶奶
2018-04-20
事前顧主太太和先生已講明，麻煩奶奶係真係好麻煩，
我第1日返工，第1次見到呢位麻煩奶奶，於是我叫佢：嫲嫲早晨
麻煩奶奶：你唔好亂叫！ 叫我陳小姐得架喇! 你做自己野，唔需要理我！
咁我入廚房，放低餸，換件衫去睇睇個B先喇!
新手媽媽：我個胸好似塞塞地，你可唔可以幫我按摩下？
我：沒問題，我入房幫你按下，有催乳作用!
麻煩奶奶：係廳按都得喇，大家都係女人!
我：個廳大風吖，坐月唔吹得風㗎~（阿老爺都係廳，
麻煩奶奶：無奶咪食奶粉囉! 唔百鬆啲蚊1罐啫，買唔起咩?
我唔出聲，同新手媽媽入房按摩。
新手媽媽堅持抱埋阿B入房，我初頭唔明，之後明晒!