【教．養是咁的】小朋友鍾意講大話，爸媽要點處理？

絕大多數的孩子都曾向家長講大話，有的是為了逃避別人的責罵，有的屬幼兒階段的正常的語言發展，你懂得區分兩者之別嗎？

香港基督教女青年會家庭健康促進中心督導主任伍偉湛(Raymond)，列出以下三點教家長如何處理小朋友講大話的情況。

▲香港基督教女青年會家庭健康促進中心督導主任伍偉湛

1. 不要強烈指責他

舉例，家長搾了一杯西瓜汁放在枱上，一會兒就聽到玻璃杯打爛的聲音，問孩子：「係咪你打爛嘅？」他竟說：「唔係，玻璃杯係自己爛，我無去過枱面拎西瓜汁……」

以上的情景，明顯是孩子害怕責備而講的大話，此時家長先不要大聲指責：「你點解要講大話？玻璃杯唔係你打爛，會係邊個打爛呢？做錯事唔認錯，就更加唔啱！你知錯未？」

如果家長毫無餘地指責，只會令小朋友產生強烈的罪惡感和不安，令到小朋友更加不願意跟你說真相。

因此，家長先一定要沉著氣，有耐性和寬容地引導孩子勇敢表達；例如：

「慢慢講，媽咪唔會嬲你，只係想知道真相。」
「係咪八卦想拎杯果汁睇下，但係唔小心跌咗啊？」
「係咪想拎杯果汁俾媽咪飲啊？」

如是者，孩子便能夠向家長說出真相和坦誠面對自己的錯失，畢竟孩子年幼，處事一定不周詳和粗疏，錯誤中學習是孩子成長的過程。