【傻夫婦】復活節 3日 2夜廣州長隆之旅【長隆熊貓酒店】


全年適用

復活節前同國皇之家即興約去【長隆野生動物世界】,其實之前都講過幾次,不過之前我地無回鄉證,今次終於成事啦﹗

之前喺長隆 FACEBOOK PAGE 睇到有啲 PROMOTION,所以我哋今次都係直接喺官網訂。返大陸短線嚟講,其實去【長隆旅遊渡假區】都算幾貴,我哋住【長隆熊貓酒店】,第一晚是星期六,房價比平時貴,大約是HK$1300,第二晚買了雙遊園套票,我哋揀咗動物園同馬戲表演,大約是 HK$2800 (三人),套票只包 2大 1小,另加 1 SET 小童就要大約 $850。加上直通火車票,大人 $210,小童 $105,一家四口來回就是$1260。總數 $6210。

我哋一早坐 9:20的火車上廣州,去到大約是 11:30,先去MANDY一早BOOK定的【炳勝】,1:00去到,好多出名的菜式已經售罄…果然厲害﹗午餐之後我哋就分道揚鑣,MANDY一家約了廣州的朋友,我哋就出發去【長隆熊貓酒店】,我哋都是第一次自己喺廣州坐地鐵,120CM 以下係免費,入閘行李包包都要過 X-RAY,而且有好多售票機是用支付寶/ WECHAT PAY,真是好似『大鄉里出城』咁﹗

坐到去長隆站,E出口一出就是穿梭巴士站啦﹗提提大家可以喺地鐵站內的 7-11買定零食同飲品,比園區內選擇多,而且平一半有多﹗我哋咁『精明』,當然是入到酒店先買啦﹗

小朋友一見到間酒店的外觀已經好興奮﹗

酒店大堂都好大﹗

仲有孔雀睇﹗

入到酒店房就更加興奮啦﹗我本身 BOOK了『帥帥房』 (6/F 以下),CHECK IN時職員見我哋 2個都是女仔,就轉了『萌萌房』俾我哋,俾小丸子恨到啦﹗

裝修係好有特色嘅﹗

房間沒有浴缸,不過我見如果帶BB,都可以問佢哋借BB浴盆。

女孩子的樓層,連走廊都是粉紅色﹗

每層都有自動售賣機,不過又是要用支付寶/ WECHAT PAY﹗即是有得睇,無得食﹗

酒店地下都有間便利店,不過選擇就唔太多,而且比出面貴得多,但有總好過無﹗

便利店對面就有一間 CAFE,有少少兒童遊樂設施,我影晒架啦,就是一眼見咁多,不過買支水買個包,都可以入嚟玩嘅。

啱晒啲無時無刻都要打機的爸爸﹗

另一邊就有一間 SHOP,勁多玩具呀﹗

老實說…比起澳門的酒店,酒店內的玩樂設施真是唔多,連游泳池都無,真是玩的地方就是一間 KARAOKE 房,仲有少少夾公仔的機﹗

唔好俾佢個樣呃到,其實我無入錢 (又是要 WECHAT PAY),無音樂嘅,佢自己清唱容祖兒﹗

總括而言,我個人覺得比起澳門的 5星酒店,內部裝修、設置、配套都無得比,不過小朋友就一定開心,而且酒店的 MARKETING 做得好好,佢哋有成套『帥酷萌』熊貓三胞胎的卡通,小朋友睇得開心,住的時候都特別投入﹗最好笑是走的時間大頭妹問我點訂酒,佢話佢想想嚟住,不過我同佢講過,去旅行好多地方只會去一次,下次就未必會再去,所以佢就打算自己訂啦﹗

港鐵直通車: https://www.it3.mtr.com.hk/b2c/frmFareGuangdong.asp?strLang=Big5

長隆渡假區 (FACEBOOK): https://www.facebook.com/chimelong/

長隆渡假區(官網): http://int.chimelong.com/zh_HK/

 

大家LIKE 咗我哋 FACEBOOK PAGE未呀?﹗未就快啲 LIKE 啦﹗

作者:傻夫婦一家四口生活日誌


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

2日1夜 珠海親子遊 入住長隆飛船酒店 暢玩全球最大的海洋主題公園|安妮媽媽親子日記
港車北上親子遊 |佛山Snoopy主題樂園 逼真呈現漫畫主題世界 騎馬/開挖掘機/餵小動物 適合初小及幼稚園小朋友
高雄親子遊|日本唯一海外授權主題樂園 高雄鈴鹿賽道樂園 齊做飄移小車手
沖繩兒童王國 新開園區/騎馬+餵動物體驗/每月不同特色主題 沖繩親子旅遊必去景點
深圳親子遊|超過5千呎PlayHouse 試做小小洗車員/汽車維修員/消防員
深圳野恩動物樂園 不限時遊玩低至$99/位 萌寵撫摸餵食零距離接觸︱親子好去處
查看更多   ▸