×

Home

 

廿四孝熱話文章打印

來自網址: http://www.ohpama.com/?p=291771

健康有營 May 9, 2018

【米豬媽媽】痛媽媽 – 米豬撞親頭仔點算好?

早2晚去完街, 差唔多9點時米豬拎咗包自己打開咗ge濕紙巾行去俾爸爸睇, 點知行行吓無啦啦成個仆咗響度,  我哋聽到嘭一聲, 米豬停咗幾秒先開始喊,, 佢個額頭撞咗落廚房門框度!!!!!!! 即刻睇住個額頭慢慢腫出嚟, 米豬都喊到癲咗

雖然嚇到手都震埋, 但我即刻諗起要冰敷, 即刻拎個尿片冰種沖水抹乾淨, 再拎條毛巾擰濕包住同米豬冰敷!! 老公就抱住佢安撫等佢冷靜d, 敷一陣拎開又望一望, 腫到二郎神咁呀17rs00040ss5p34o1734  

心痛死我喇…………………… 冇即時受傷圖, 一嚟急救ing冇手, 二嚟腫到咁唔會有心情同佢拍照留念啦 ,唯有借阿馬德鐘二郎神造型一用, 因為嗰吓我真係見到好似隻天眼咁腫出來。

足足喊咗成十分鐘先收聲, 痛起上來咩都唔理喇, 奶嘴電視咩都出齊, 務求佢唔好係反抗係咁郁, 個人唔好激動, 結果敷咗成半個鐘之後, 個額頭先扁返…..

E8888C0D-72BE-458A-B968-3B0C606ACD3B

但0個隻二郎神眼依然好明顯。

同咗護士表妹同埋護士媽媽講, 大家都話最緊要立刻冰敷, 而且仲要觀察, 如果有暈, 嘔, 呆滯, 就立即帶佢去急症室, 多謝祖先保祐, 米豬好正常, 佢一收咗聲唔喊, 我就問佢, 高達響邊? 三筒響邊? UMARU響邊? 可樂響邊? 包包超人響邊? 鴨鴨響邊? 全部都答到晒, 咁起碼初步證實到佢係冇撞親個腦

以前學急救有教過的P.R.I.C.E. 竟然響自己個仔身上用得著….. (亦都好好彩媽媽我廿年後冇還番晒d知識俾阿sir)

一般撞傷, 首先要Protect – 帶BB離開意外現場, 去安全地方, 我哋就即刻响廚房門口抱咗米豬過playmat度, 俾佢知道佢已經好安全, 有爸爸媽媽响身邊保護佢

Rest – 俾佢休息, 呢個係for撞到手腳嗰D唔好俾佢亂郁, 但撞到個頭佢除咗狂fing外都唔會話太大活動, 一般都喊到癲咗唔郁

Ice – 冰敷, 所以我搵咗個尿片冰種+濕毛巾啦~~ 但唔係話係咁敷住佢半個鐘唔停, 正確做法係敷5-10分鐘, 俾傷者休息返3-4分鐘, 我哋斷斷續續咁敷咗半個鐘到9個字

Compression – 加壓, 我知, 個頭腫成咁仲gum落去好痛, 所以都係輕輕手按壓個冰種落去

Elevation – 升高, 將受傷ge地方抬高過心臟, 可以防止地心吸力將血推去傷口, 避免傷口撞脹, 所以今晚換咗個高小小ge枕頭俾米豬瞓

由於係撞親個頭, 所以你話唔擔心就假 雖然即刻用米豬平時認知ge事物暫時判斷佢 應 該 冇 撞親個腦, 但有d嘢好慢性ga ma, 所以今晚都冇咩點瞓, 每個零鐘就醒, 睇吓佢有冇嘔 (瞓咗check唔到暈同呆滯), 好好彩, 一路到第2日都冇事, 所以應該只係皮外傷了

提提大家, 如果BB撞親後有以下情況, 請唔好猶豫, 立刻帶佢去急症室

1. 撞到見骨 (我諗冇媽媽會唔call白車掛……)

2. 傷口流血5分鐘以上都止唔到血

3. BB暈 – 例如佢自己平時可以坐到玩, 但撞完之後坐響度係咁跌

4. 嘔 – 好明顯唔使觀察啦

5. 呆滯 – 用佢平時最鍾意ge野引佢, 睇佢目光fo唔focus到, 如果唔得就介定為呆滯(咩都得, 呢個時候唔好理d咩電子奶嘴呀光害呀嗰d啦)

記住, 情願去到醫院虛驚一場, 好過有事冇察覺而抱撼終生

最後溫馨提示, 受傷後:

千祈唔好捽個傷口

千祈唔好捽個傷口

千祈唔好捽個傷口

我知, 我哋阿媽0個輩係撞親呀? 碌雞蛋啦好快散瘀ga! 但要知道, 當你撞傷完, 傷口附近d微絲血管爆開晒流緊血, 你仲加熱嘢捽佢時, 只會爆得更勁更快更狠, 簡單嚟講係對傷口ge二次傷害!! 我知, 你哋好想快d散瘀, 腫咗一大舊好醜樣唔靚仔, 但係你要捽佢, 都要等夠24小時, 個傷口冇再腫脹先可以捽同熱敷呀, 細路仔新陳代謝快, 好快會靚仔返, 唔爭在嗰24小時, 乖

第二日起身之後米豬已經回復正常, 繼續搞搞震, 啱喇, 你搞搞震我就安樂晒~~~ 

IMG_4720 

但0個條瘀痕仲好勁…..

跟住呢條友仔係繼續響playmat玩free fall

794EAFE8-0AAF-4846-A5B8-D53CBA637416  

米豬豬的page~ 每日都update~ 

歡迎各位like&follow~ 亦都歡迎大家聯絡我同米豬豬一齊試用產品或合作~