【影靚相無難度】1招KO同小朋友影相3大棘手位
2018-05-11
夏天帶小朋友到戶外放電,好多爸媽會準備相機邊玩邊影,記錄這些玩樂畫面,日後回味子女的成長過程。不過同小朋友影相絕對不容易,既要隨時捕捉他們的動態,又想追求高質素影像。以下幾個情況曾否在爸媽身上發生?
難題1:跳跳紮無時停
小朋友有得出去玩最開心,四圍跑捉都捉不住,爸媽只好追着他們身後跑,有時更要爬高爬低配合他們的動作影相,要捕捉小朋友的有趣動作和表情認真辛苦,影完張相都可能鬆郁朦。
▲同小朋友影相不容易,有時還未擺好相機,他們已經「一枝箭」跑去玩。
難題2:影相手震震
見到小朋友忽然大笑或可愛一刻,爸媽都想立即用鏡頭捕捉下來。不過一般人影相容易手震,相當考驗相機的防震功能和對焦速度,否則拍出來的相片會模糊失焦。
難題3:相機笨重不便
每次帶小朋友出街總要帶備很多用品,例如毛巾、水樽、餐具和外套等,相機太大太重隨時令「媽媽袋」超載,孭住相機照顧小朋友又麻煩!如何在輕便和質素之間取捨?
想一家大細輕鬆影靚相,一部方便且高性能的相機就可以了!Olympus EM10 Mark III外型輕巧,功能卻十分強大,配備5軸機身防震功能,避免影相時的輕微抖動,隨手拍出清晰穩定的相片和4K超高清影片。加上極速對焦功能,無論小朋友玩得多興奮,爸媽都能夠快而準地捕捉每個動作和表情。同時支援觸控螢幕,「篤一篤」螢幕就可以快速對焦兼影相,平日用慣手機的爸媽容易適應之餘,小朋友操作亦無難度。
▲機身內置5軸防震功能,無論影相或拍片都十分穩定,小朋友操作也不怕手震。
▲Olympus EM10 Mark III機仔細細,隨身帶備夠輕便,還支援Touch mon功能,大小朋友都可以享受拍攝樂趣。
▲影完相當然要開心分享!Olympus EM10 Mark III內置Wi-Fi無線連接功能,能即時透過手機App瀏覽和上傳影像,令分享更快捷簡單。