【港式執媽】助產士分享新手媽餵奶個案 辛酸史你們懂的！

呢個cute cute baby已經7個月大喇，已經食緊固體食物，但做護士既媽咪仍然好努力餵緊人奶，提供緊4奶1固俾bb， 每餐食到7安奶架！係一個好擦得嘅bb

諗番起佢啱啱出世嗰日係醫院探佢嘅情景，細細粒瞓喺私家醫院嘅nursary度，眨下眼就咁大喇🤗🤗🤗仲有媽咪第一日抱bb返屋企手足無措嗰個樣，一切都已經捱過咗喇～

呢個bb一出世就好好胃口，一有嘢放入口就狂啜～份量多到媽媽驚食壞佢個胃仔😂😂係醫院已經有食過奶粉，不過都無礙佢食乳頭，完全都冇nipple confusion 嘅問題！對於呢d咁chur住要食嘅bb，最緊要就係position! 要留意番餵奶嘅時候要同bb身貼身零距離，唔好俾佢嘅膊頭同手仔阻係你哋中間，以防bb狂啜嘅時候會啜損你個乳頭。