【學前教材分享】自製幼稚園面試教材/學前教育
2018-05-17
唔經唔覺，和牛B今年9月就要正式孭起書包返幼稚園K1啦。
回想返上年大概11月嘅時間就係黃金面試期，超級緊張，好驚每一場面試都做得唔夠好。
最後估唔到自己心儀嘅第一志願收咗和牛B，而家已經準備好晒等入學。
從上年面試嘅經驗，睇得見而家呢個年代入K1都要識好多嘢。
例如分辨顏色、ABC、蘋果=Apple等。
所以喺入學前，我都想再同和牛B加深印象，等佢有基本認識。
亦啱今年準備要面試嘅小Baby用，以互動方式去學習。
我用咗百寶袋王嘅多用途活動袋，可以直接將A4 Size嘅工作紙放入袋入面。
配埋教材，就完成啦。
^ 教材可以分類，獨立放入活動袋入面。
因為袋身有一邊係透明設計，所以每次拎出教材，就可以直接喺上面到玩，仲唔會整爛工作紙。
