【Kelly】星島校際辯論賽 聖保羅支持者「佛系打氣」
2018-05-17
全港學界盛事「星島第三十三屆全港校際辯論比賽」,昨晚喺灣仔伊利沙伯體育館舉行總決賽。在總決賽舉行前,大會嘅facebook專頁,就叫大家估吓邊間學校奪冠,吸引唔少支持者留言,氣氛熱烈,當中不乏「高汁」打氣,甚至有網民出動「佛系」為參賽的聖保羅書院打院集氣,認真有心思!
短短半日,已有逾150人參與估冠軍遊戲,留言質素一啲都唔hea,當中最有創意的,要算係為聖保羅書院打氣嘅支持句語!有網民搬埋「佛系羅保羅書院」出馬,以「不Hea辯 不Lur脷 不心浮 不氣躁 不超時 不疊聲 緣份到了 自然會奪冠」來分析奪冠原因,結果真係「緣份到了」,由聖保羅書院奪中文組冠軍。
除了聖保羅書院,英文組冠軍啟新書院亦不乏支持者,有網民就留言「面對強敵,你地冇膽怯,人地提一個論點,你地就喺下一round回擊佢地,好睇過拳擊比賽!!!」
今屆辯論比賽共196隊參賽隊伍競逐中英文組錦標。總決賽中文組辯題係「本港『自願醫保計畫』利大於弊」,聖保羅書院為反方,對手為九龍塘學校(中學部)。英文組辯題為「取消強積金對沖機制可以平衡僱主與僱員雙方的利益」,首次躋身決賽的啟新書院為反方, 正方係九龍華仁書院。
大會今年邀請到港大李嘉誠醫學院院長梁卓偉為中文組點評,他讚賞兩隊水準非常高,他結尾時特意稱「自己的母語是粵語」,非常重視同學的粵語發音與咬字,博得全場掌聲。
緣份到了!由聖保羅書院奪中文組冠軍。
英文組冠軍為首次躋身決賽的啟新書院。
頭條日報授權轉載