【湊仔爸與返工媽】我們都需要勇氣
2018-05-17
要孩子成長，做家長的確要勇敢一點點。
有一次，晚飯後剛離開商場，一家三口向屋企進發。走到一半，阿豬說：
「媽咪，我想痾屎。」
多震撼的一個要求！我們正處於商場和屋企中間，前進或後退都要超過五分鐘，而阿豬已急得面容扭曲，跳來跳去。（我已教他多次不要好急才通知，但他仍然喜歡玩生死時速）。
「點算？最近廁所喺邊？公園有冇廁所？」我問阿豬爸。
「繼續返屋企啦，唔使下下同佢急。佢都要學習下忍，忍唔到就要早D講。」這是阿豬爸的佛系回應。
「我驚佢瀨喎。」我道出內心恐懼。
「最多咪瀨囉。」佛系升級。
是的，其實最多咪瀨……囉。
我們一路打氣，傾偈分散注意力，但又不敢行得太急。等的幾分鐘，阿豬又跳來跳去，我壓力大得有點胃痛。阿豬最後好不容易忍到回家，排山倒海。