迪士尼是海港城的好朋友(我估咋),所以我一早向SY預言:「你信唔信今年海港城一定係迪士尼做主題吖?」SY:「你點知?(我:因為迪士尼樂園10周年紀念呀)」
2011年樂園內的ToyStoryLand開幕,海港城的X’mas就變成反斗奇兵…(我可以說是近年最靚!)
2013年7大迪士尼波波球走入海港城,相比今年2015…今次「Happy Ever After」聖誕大街,好似過於靜態了一點點!
不計算一系列剪影角色,打頭陣是紙版Let’s it go…SY:「爸爸…點解唔係公仔嚟嘅? (係囉)」如果大會於聖誕前,將Elsa、Anna及小白換回3隻立體Figures,我絶對不介意多來一次。
雪姑七友七個小矮人,我第一次影完…奇怪!為何只有「雪姑3友」?原來有4個走了上二樓玩遊戲。
之後SY一見到TsumTsum便大叫:「媽媽…你最鍾意呀!不過,已經移情別戀的阿太:「快快影張合照就算啦…你哋阻住我影杯緣子呀…」
明白,近月已經變成佢有佢影杯緣子,我有我影我個囝喇…雖然,大家都是影阿拉丁神燈做背景。
SY:「點解高菲同米奇著D衫唔同嘅?」其實我也不明白,是不是扮東坡家事歐陽震華呀?
突然不停走來走去的SY又叫我:「爸爸…米奇係天花板呀!」哈哈,幾過癮,仲反射到我同SY添。
其實,今次米奇入侵海港城,也有一個好處…單單我叫SY:「你周圍搵搵,究竟有幾多個米奇頭收埋係條街度。」小朋友就好專心,不停搵…阿太又好專心影杯緣子…我就非常舒適慢慢行。
我最初以為大堂會似2011、2013年有大大棵迪士尼公仔聖誕樹,不過詢問處姐姐答:「唔好意思,今年只有出面燈飾。」(勁失望囉)
海港城 + 迪士尼燈飾,一定要選擇平日過來會得好一點,人算少… 一想起2年前,周末過來䏲迪士尼波波球,十足十逛年宵一樣,真的插針也插不入…今次好好多喎!
「Happily Ever After」聖誕大街 ( 40多個迪士尼朋友剪影)
日期: 2015年11月5日至2016年1月3日
地點: 海港城海運大廈露天廣場
作者:大仁生活
【2015聖誕商場 親子gogogo】集齊超過20聖誕商場資訊!