【米豬媽媽】教媽媽 - 如何面對扭計米

咪睇米豬豬成日都開心笑笑, 其實曳起上來, 真係好嘔血ga…..

天使都有化身小惡魔ge時候……….

尤其是….. 食飯嗰陣….

冇時停……….. 都算…….

而且, 神力米會扯起學畢飯ge吸盤碗, 倒到成枱成地都係……..

爸爸話, 你個衰仔, 食碗面, 反碗底~!!!

食碗面, 反碗底都算… 早排, 仲要特登掉個碗落地….

我相信, 再高ge EQ都會有爆ge一日………. 不如同大家講吓, 我暫時差唔多爆EQ時ge處理方法

對上一次差d理智斷線, 心裏面OS打仔鬧仔, 應該係3星期前, 又係平時咁餵飯+教畢飯, 平時多數都可以自己畢到我餵咗2/3飯先扭落地, 但呢日, 餵咗幾啖已經發癲…… 開始扭落地+掟飯落地, 由於之前一晚成晚俾米轉側撞牀嚇醒N次, 完全唔夠瞓ge我, 著實响心入面爆晒粗…… -`д´- 當然, 把口仲係會 “米豬豬係咪熱熱呀? 媽媽開大d冷氣吹吹, 拿唔好再掉飯飯落地喇, 佢地痛痛呀!” 本住氹得一啖得一啖ge心態, 氹佢食多3啖之後, 佢一手掟咗自己學畢飯隻匙羮落地, 再扯起個碗, 掃晒d飯落地 〴⋋_⋌〵繼而咆哮再勁大力拍枱

嗰吓當然極想咆哮返轉頭  (ꐦ ಠ皿ಠ ) 但又繼續壓抑住心入面0個道怒火, 溫柔而堅定地同米豬講 “你係咪唔想食喇? 唔想食ge話落地地喇好冇? 你大力拍拍媽媽驚驚呀, 細細力OK? 仲有點解匙羮同碗碗响地下? 佢哋好痛痛呀!” 然後, 繼續被米豬無視+咆哮+爆喊……. (媽呀我都好想喊呀!!!!!!!!!  ε-(ToT) 我今朝8點未夠起身, 你不停咁扭計要抱唔肯落地, 一路抱到而家我水都未得閒飲早餐都未食呀!!! 我都好想反枱呀!! 我! 忍……….) 又再溫柔而堅定地 “米豬豬唔想再食喇係咪? 咁媽媽收好d飯飯抹乾淨地下你先落地玩啦, 唔好再掉嘢落地下喇, 你咁掉法媽媽出年都放唔到你落地呀!” 

結果我一路抹, 佢一路响highchair爆喊+狂掟枱面d飯落地……… 

吼!!!!!! 我要爆喇!!!!!!!!! ꒰╬•᷅д•᷄╬꒱ 

“米豬, 媽媽而家好嬲嬲, 好唔開心, 因為你食飯飯扭計, 媽媽講過唔可以掉嘢落地, 唔要ge嘢就俾媽媽, 但你仲要不停咁掉飯飯落地, 嘥晒d嘢食同媽媽d心機, 媽媽唔想同你講嘢住喇, 等到播IQ博士我先再同你講嘢啦” (媽媽好需要5首歌ge時間去冷靜吓)

然後, 唔出聲, 佢有佢喊, 我有我抹, 抹乾淨之後抱咗米豬落地, 佢就咁…

雖然好可憐, 但sorry, 呢個moment媽媽我堅係嬲到想哥斯奶咁噴火發癲鏟你一鑊再打你patpat!(☄ฺ◣д◢)☄ฺ 為咗令呢d事唔好發生, 我決定唔出聲, 走入廚房煮餃食!! (媽媽係會Hungry的) 米豬繼續响廚房門口媽媽媽媽媽咁崩潰喊

到播IQ博士時我d餃都煮好, 我畢出來攤凍, 抱起米豬安慰佢, 叫佢冷靜d, 強調一百萬次媽媽唔會永遠唔睬你, 只係唔睬你一陣, 因為媽媽都要冷靜吓, 到佢收晒聲唔喊, 先再同米豬講道理 

“一擔心機煮俾你, 你知唔知好多小朋友冇飯食? 咁樣浪費食物知唔知好唔啱?” (點頭) 

“下次仲會唔會咁樣掉食物?” (擰頭) 

“快d鍚返媽媽先, 媽媽俾你激到短咗2分鐘命!” (親~~) 

“好啦媽媽都鍚番我米豬豬啦, 你要乖乖喇知唔知呀! (我唔知忍到幾多次ga咋仔…………)” (點頭)

之後夜晚, 到第2日, 同跟住0個個星期 食飯都好合作

日日都咁乖, 我咪唔駛唔睬你囉, 你估我唔睬你我又好好過咩仔………….

我見d專家話, 小朋友發癲, 就要佢哋time out, 由於米豬仲細, 冇咩時間觀念, 我就用每日無限loop ge 歌嚟做時間指標, 因為佢而家大約都知個playlist, 幾時會聽到邊首歌, 我話播到IQ博士先睬返佢時佢堅崩潰, 因為佢知道仲有好多首歌先到, 而fix佢响某個位做naughty corner呢個, 我暫時未實行, 因為嗰吓我自己都嬲到唔想對住佢, 我更加冇本事的呢隻曳米去坐死一個位成2個字, 由得你自己喊飽佢算

我唔係話我教仔ge方法好好, 一百個人有一百個唔同ge教仔方法, 如果大家有其他方法, 不妨講吓, 我哋媽媽們互相學習吓, 我相信唔會有最好ge教仔方法, 但一定有個方法係最適合你個BB, 我地一齊教好BB! 始終湊仔同愛戀一樣…. 易學難精可否惡補? 然後你會說我嬉戲別要那麼早! ┐(￣ー￣)┌