【湊仔爸與返工媽】一杯雪糕的承諾
2018-06-06
早幾天外出晚飯,我們選了一間餐廳,阿豬不肯入。
「我唔想食呢間,我想食嗰間!」
這時餐廳經理哥哥走出來,摸摸阿豬的頭說:「你入嚟食啦,食完我請你食雪糕!」
阿豬雙眼發光,乖乖跟著哥哥入場。阿豬爸媽都未及反應,劇情已峰迴路轉。
「呢個哥哥開空頭支票的話,我哋就大鑊喇。」我跟阿豬爸輕聲說。阿豬媽不會常常讓孩子吃雪糕,但那刻我更希望哥哥可以兌現承諾,不要讓阿豬覺得空口說說是閒事。
吃到中段,經理哥哥走過來。「你食得好快喎,食完記住叫我呀,記唔記得我應承咗你乜嘢呀?」阿豬聽罷,又雙眼發光,差澀一笑,點點頭。
吃完了,我問阿豬,你是不是要舉手叫哥哥來?向來比較慢熱的阿豬此時火速舉手。
「你叫我埋嚟做咩呀?」經理哥哥打趣問。
「我……hee hee……我想食雪糕。」阿豬面帶不好意思地笑著說,雙眼瞇成兩條線。