【無懼蚊患投奔炎夏】勇闖創興水上活動中心露營記

當年妹妹子歲半人仔去露營，食得玩得又瞓得，開心片段仍然歷歷在目；原來眨眼間佬寶寶都歲半了，梗係要安排番次露營體驗俾佢啦！

▲呢張就係我們的露營物資清單啦（點擊放大）！（多嘢到好似搬屋咁）上網有好多參考，但記得要根據情況增删項目啊！

▲出發啦！妹妹子和佬寶寶幾興奮！

貴人出門招風雨。去年，佬寶寶未夠一歲，第一次一家四口宿營，招來八號風球。今次第一次一家四口露營，出發前見天氣預告會招來幾陣驟雨。伴隨雨點而來的，當然是令人討厭的蚊子。鑑於日前妹妹子對爸爸打死大蚊的陰影，今次露營，我們對付蚊蟲的行動策略，唯有由「殺滅」轉為「驅趕」。

▲妹妹子手上的是防蚊帶，妹妹子揀咗海洋生物系列，話要襯番佢件海洋衫；佬寶寶身上的則是爽身粉味的防蚊貼。

▲初夏才剛來到，兩個落公園玩都已經被蚊咬到損手爛腳，佬寶寶連面同耳仔都被蚊咬。

面對郊外無處不在的蚊蟲，媽媽我確實是如臨大敵。小朋友皮香肉嫩血又甜，簡直是蚊蟲的最佳開餐對象！在濕熱的郊外瞓一晚，要全面保護兩個惹蚊小孩，驅蚊用品自然唔少得。購物精明眼即刻上身，去AEON走一轉，看看有沒有好東西。

小朋友防蚊用品，最緊要係不含殺蟲劑成分得嚟又有效，同埋啱size。今次露營會玩水上活動，所以防水亦都好緊要。最後我在花多眼亂的貨架上選擇了這pack。

▲呢包KINCHO日本金鳥驅蚊手環，以天然花香精油驅蚊，仲可以防水，就算手腳濕晒都不影響驅蚊功效，正！

坦白講，之前真係無乜留意驅蚊產品的牌子，都係留意成分居多。排隊付款的時候上網一查，原來KINCHO日本金鳥呢間公司大有來頭。KINCHO日本金鳥喺日本已經有130多年歷史，係全球第一間研發驅蚊防蟲產品嘅公司，最傳統嘅漩渦型蚊香就係佢哋發明，仲擁有唔少專利技術產品。今次真係長知識了！

其實我都有研究過其他品牌的防蚊帶，但一般防蚊帶只有成人或小童兩個size，有啲就好似手錶咁有幾個孔可以調節。但妹妹子細細粒，一般小童size的圓形手環，她戴完還是會跌出來，更何況得歲半的佬寶寶。市面上也有些驅蚊手環是防水的，但內含細小配件，寫明不適合3歲以下小朋友用。金鳥呢包防蚊帶每包有5款形狀，顏色又多，總有一款正中小朋友下懷。最緊要係個形狀設計不規則，比一般圓形的手環容易固定在小朋友幼細的手上。

▲花香、果香兩款味道我都買了，夾埋有10個款式，兩包總共有60條！不過我最後都係用了一包就夠晒全家人兩日用，另一包留番平時去公園用。

▲被蚊蟲咬到流血見到有傷口，真係第一次。

野外的蚊蟲特別猖狂。初初到埗，營都未紮，妹妹子的腳跟已經被咬到流血！真不知是甚麼昆蟲來的。幸好妹妹子一向是個正面寶寶，爸爸順勢教她清洗傷口和止血。貼上膠布，轉個頭又開心去玩了。媽媽我當然即刻落order，要戴番驅蚊帶在腳踝位置，先准開始去玩。

▲開始起營啦！

▲千睇萬對以為帶齊用品，見到妹妹子玩到滿頭大汗才醒起帶漏了紮辮子的橡根。但小朋友就是創意十足，妹妹子話用驅蚊帶綁在頭上咪得囉！

▲佬寶寶呢，始終暫時都仲係細，叫佢戴住防蚊帶唔好除，佢一時就周圍輕搖雙手俾人睇，一時又脫掉拿在手中把玩。好彩我仲有包驅蚊貼，貼在衣領、背後和手袖邊。

值得一提的是，當打開包裝的時候，我發現貼紙是像膠紙般的長條形，而非慣常見開的圓形或正方形。以前用蚊貼，通常袖口都要貼兩塊先得，今次一條就足夠覆蓋手臂前後，設計好貼心。

▲另一樣值得一讚的是，呢種蚊貼毋須用硬物刮破貼紙表面，一開即用，啱晒去户外活動。帶住小朋友去露營已經多嘢拎，真係想放低晒啲銀仔。爸爸媽媽，你懂的！

▲無論係驅蚊帶定驅蚊貼，包裝袋都有夾鏈帶。只需取出所需用量，其餘留在袋中拉番好拉鏈，就可以留番下次用。用完嘅驅蚊帶，我覺得好靚而唔捨得丟掉，儲番入包裝袋，用來教佬寶寶認顔色、認動物、玩配對同數數目；我手袋亦隨身袋住兩條用來預備紥頭髮。一物幾用，好抵啊！

▲起完營，兩姊弟幫手攞水俾媽媽煮晚餐，之後休息一會。

天氣熱辣辣，晚餐食材都想了幾日，才決定到呢個涼浸浸晚餐：

前菜：
青瓜雲耳花生海帶涼拌
凍馬蹄

主菜：
番茄粟米紅腰豆雞心豆西蘭花
麻油雞翼
芝麻醬冷麵

甜品：
芝麻糊

飲品：
冰凍竹蔗馬蹄粟米粟米鬚水

兩姊弟掛住玩無睡午覺，吃飽飽後秒速睡着！難得有時間和老公、朋友坐在星空地下，吹著涼風聊聊天、吃糖水，一樂也！老公還聲稱自己看到流星呢！

▲睡覺也要全面保護，不被蚊蟲打擾。12小時有效，臨睡前戴好驅蚊帶和貼好驅蚊貼，睡醒後才換新的，準備去玩水上活動。

天公造美，今次兩日一夜露營無落雨。兩姊弟玩得盡興，仲玩埋妹妹子最愛的水上單車，臨走的時候，妹妹子話而家有驅蚊帶，唔怕蚊蚊咬，係咪可以去多點露營呀？哈哈！

一家四口露營順利完成！回家後第二天，爸爸已經話要準備第二次露營了！好期待下次的旅程啊！

作者：Candy Kwok