【hailiah媽媽】阿媽係宇宙級達人
2018-06-24
做咗人阿媽就知做人阿媽係最叻!
自岀娘胎,大大小小問題都係問阿媽,喺我心目中阿媽無嘢唔識
阿媽係宇宙級達人,例子如下:
食療達人-只要你有乜唔舒服,阿媽一定知乜嘢食療最啱你!每個阿媽都一定係盡所能捍衛自己屋企人嘅健康!
洗衫達人-咩料會甩色、難乾、要用手洗、咩洗衣機會洗壞衫?唔洗google摸一摸望一望就答到你
格價達人-邊度買餸平?邊啲做緊買一送一?儲印花換D乜?一問就知
清潔達人-洗手盤去污、廁所、波鞋、污糟衣服,阿媽一定同你搞得掂!
煮餸達人-買咩靚菜靚魚靚肉最耍家,仲要諗每日菜式,細佬唔食魚阿妹唔識雞,遷就家人口味無怨言!
財政達人- 平衡屋企收入同開支,每日預幾錢買菜阿媽無難度!
康樂達人-家庭活動、飲茶定野餐阿媽話事。
搵嘢達人-總之大大小小嗰啲唔知收埋咗去邊嘅嘢阿媽一定知喺邊仲一定搵得番!
做媽媽咁辛苦生孩子,仲要係多功能達人,點樣唔俾個叻佢哋!