【葉偉麟】聽話的孩子,未必聽到她內心的說話
2018-07-01
八歳女童,就讀本地傳統名校,典型品學兼優生。但在學校兩年多沒有開口與別人溝通,嚴重影響人際關係。
家長:「唉,佢樣樣都好,由細到大乜嘢都唔駛我操心嘅,讀書又叻,又乖,但就唔明點解佢咁怕羞,喺學校唔肯同人講嘢?」
我:「佢喺屋企呢?」
家長:「成隻開籠雀咁,吱吱喳喳講唔停。」
我:「即係唔係「說話能力」出問題,似乎係由「學校環境」而引起。你觀察所得,小朋友學校方面有無咩壓力? 」
家長:「點會有壓力啫?年年考第一咁滯,個個老師都讚佢,從來都冇人鬧佢嘅,又自動自覺做功課,你叫佢唔好咁勤力讀書佢反而唔制!個個長輩都鍚到佢燶,又買禮物俾佢,又帶佢去旅行獎勵佢,從來都無人俾壓力佢。」