【我的優閒淘寶記】大型傢俬淘寶記！$450嘅三人沙發會係點樣？坐唔坐到人㗎？

我經常見到唔少人嘅輕型淘寶記，相信好多朋友都想知買大型傢俬係點樣。最近我幫屋企買左張$450蚊嘅三人沙發，重點係$450蚊連運費送到屋企，你無睇錯，係$450蚊連運費！

相信大家對淘寶都好熟識，而天貓大家又知唔知呢？

淘寶似平價版網站，天貓就似貴價版網站，今次介紹畀大家就係天貓全球官方店香港。

依個網站有咩咁特別？ 入面嘅產品都可以直送落嚟香港，完全唔需要再集運處理。

有無消費限額㗎？ 我頭先試過人仔$40蚊嘅收納盒，都可以直送香港屋企收貨。

講返正題，話說我屋企嘅沙發已經俾破害王寶寶抓到爛晒，所以我哋要盡快換張布藝沙發。我哋係香港睇過都要接近三千蚊，你可能會話三千蚊有好多選擇，但我哋家中有貓大帝，所以買沙發係要就住佢嚟揀。​

依張喺淘寶大概要二千蚊港紙運到返香港屋企，就喺依個時候俾我見到「香港直送」依四隻字，入到去就見到一張同樣係布藝但感覺簡陋少少嘅沙發。正價係人仔$598，再拎優惠券減到人仔$369(折合港紙$450)，見到依個價錢我都呆一呆，之後再睇多次有無睇錯。問完媽咪佢就話：「咁平，買返嚟試吓啦。」