【泰國親子遊】華欣一日行程分享：最古老最靚火車站、華欣沙灘、Outlet、在地人愛到的優雅夜市

好快就到暑假啦，所以想整合一些值得去的地方，如果大家都係一家大細or拍住拖去泰國玩嘅都可以參考吓，希望大家都有個愉快的假期。

華欣火車站Hua Hin Railway Station，可以話係泰國最古老的火車站，建於1911年、係華欣數一數二有代表性同歷史嘅建築。成個火車站都充滿住懷舊氣息，呢個火車站亦係孖寶最期待嘅行程之一，他倆可是小小鐵道迷呢！

華欣火車站聚集咗乘客（係呀，真係有火車行走㗎。仲有觀光客、當然亦有嚟朝聖嘅鐵道迷。）

Hua Hin Railway Station位於華欣市中心，距離我哋住嘅resort around 10-15分鐘車程。

火車站同華欣另外一個夜市Chatchai Night Market，都只係around 10分鐘左右嘅路程。不過因為我哋同孖寶2個小B去，所以夜市唔係我哋行程嘅重點，今次只會精選一些比較好行、同環境好啲嘅夜市，算係比佢地參觀吓。Hua Hin火車站由門、窗、屋頂到售票處，都係用柚木打造，仲有用到大量泰國建築傳統嘅鮮豔紅白對比色彩。

其實去華欣有飛機、小巴、開車，但其實亦有唔少人鍾情火車。雖然泰國火車系統比較慢，又可能會成日delay，不過置身喺百年懷舊火車站，又係另一篇感覺，好似有啲融入歷史嘅感動。

呢個火車站已經超過一百年，除咗坐火車嘅乘客可入去之外，車站亦都係對外開放，而且係唔收費㗎，所以真係有唔少遊客駐足參觀同拍攝留念。