【許許與小BELLA】12M+BB食譜:日式五目炊飯
2018-07-06
早排去日本旅行,
好多媽媽都問我Bella食咩?!
其實Bella今次出發歲半,
比起上年年尾去北海道時十一個月大,會更易處理。
我除了帶奶,還有自攜水壺,到便利店買生雞蛋來烚,
先保證佢每日一蛋,午晚餐就跟我地食,
最常吃的是shabu shabu,
昆布湯底說穿了就等於滾水,
放菜、肉、菇、豆腐比佢食就好了。
其次就係將食物過水比佢食,
又可叫餐廳煮菜時不放鹽或淡口。
入返正題先,
就是在日本食咗幾次炊飯定食,
念念不忘,都諗吓可唔可以為Bella做健康版,
其實呢款五目炊飯,地獄煮神媽媽都可以做,
1歲BB可以食。
五目即是五種材料,
而炊飯也可以說是炆飯、燉飯,
不過用高湯來炊它吧。
大人食會用濃口味的鏗魚湯包或味素粉,
不過BB食,就用自製的高湯最安全健康吧。
《BB食譜12M+ : 日式五目炊飯》
材料:
秀珍菇、青瓜、洋蔥、紅蘿蔔,
另外就是雞脾肉。
份量隨自己控制便可,
煮多一點也可以親子共食。
做法:
先將洋蔥、青瓜、秀珍菇及紅蘿蔔切碎備用。
雞脾肉去皮切粒,
之後我用了自己磨的乾冬菇粉稍醃一下,
喜歡的也可以加鹽。
之後我用了自己磨的乾冬菇粉稍醃一下,
喜歡的也可以加鹽。
為了顏色靚靚,我會把雞肉略煎,
同時也會更香口,細BB可免煎。
也無需煎太熟,因為會再跟飯同煮。
珍珠米,我用了一杯。
先洗一下去水,要注入水浸半小時。