【和牛b的成長日記】孩子放電+媽媽聚會好去處 新蒲崗Party Room介紹
2018-07-06
回想以前和牛B半歲、1歲生日我哋都係喺Party Room到搞。
過咗兩、三年,而家開多咗好多,啱嬰、幼兒玩嘅Party Room。 今次就同大家分享一個好好玩、又安全、乾淨仲好有誠意嘅工廈Party Room – The Playground場地俾大家。 位於九龍區嘅新蒲崗,都係熱門嘅Party Room集中地。 一入門口就已經望到最入面有個七彩彩虹波波池啦!!
場內仲一直播放兒歌,令到媽媽到覺得好舒服,好童真,氣氛超好呀!
聽住聽開嘅兒歌玩,和牛B玩都玩得特別投入呀。
Party Room入面嘅佈置已經好有童趣、好有氣氛。如果嚟搞生日會,絕對唔需要再花錢佈置就已經好有氣氛。