【家有濕疹兒】媽媽:唔可以俾同樣事情發生喺妹妹身上!

2018-07-16


Advertisement

育有1仔包包、1女比比的「包比媽」,現時是一名全職媽媽,每日的心思花在兩位小朋友身上,照顧起居飲食,打理家頭細務,足以忙上一天。雖然忙,但看見小朋友一天一天長大,心裏既開心又感恩。

回想2016年一個早上,包比媽起床後突然有種莫名奇妙想嘔吐的感覺,原來肚裏面住了小小B「比比」,那一刻,包比媽既驚且喜,「喜」當然係屋企會有一名新成員加入;但又好驚,擔心小小B 會同哥哥一樣患有濕疹,所以我一定要用盡所有方法避免呢事件再發生!」

千方百計對付濕疹

包哥哥3個月大時確診患有濕疹,為了對付濕疹,包比媽用盡所用方法去幫哥哥,除了看醫生,只要人家說有效,她立即去試,「6年來,我試過千萬種方法,坊間話得嘅芫荽水、魚腥草、金銀花、西瓜皮沖涼等等。除咗外用,更會控制飲食,加工食品、牛肉、雞蛋、海鮮等等所謂濕熱嘅食物,全部唔俾哥哥食。」自認不懂入廚的包比媽甚至踏出第一步,去學煲去濕湯水,希望透過外用內服雙管齊下的方法幫哥哥。

長輩誤解似落深淵

偏方始終是偏方,未必對人人有效,包比媽直言每試一種新方法都是半信半疑,抱着一試無妨的心態,可惜旁人未必理解,偶然一句說話,足以把她推落深淵,那種無力感及委屈,只有自己才知。「6年間身邊好多人甚至長輩有意無意咁怪責我,唔少人認為係我懷孕時無好好戒口引致哥哥患上濕疹。」有次包比媽用芫荽水幫哥哥沖涼,有長輩話要用金銀花。「當濕疹情況轉壞,身邊總有聲音怪責我無知,眼見包包咁辛苦,有邊個比我更心痛?!」

寧願自己患濕疹

就是因為心痛,所以包比媽每當聽到有方法可以減輕包包的濕疹,都會去試,「就好似絕望中嘅一道光,仼何機會令包包好返都係一個希望。」可惜一次又一次的嘗試,換來一次又一次的失望,「包包嘅病情無好過,有時濕疹痕到令佢瞓唔到,佢嘅吸收力又比正常小朋友差,見到真係好心痛,寧願有濕疹係自己。」多年來的種種打擊,對包比媽來說的確感到挫敗。

盡力避免小女兒重蹈覆轍

所以,當包比媽知道懷有小女兒比比時分外謹慎,又向醫護人員諮詢意見,看看有甚麼方法減低女兒患濕疹的機會。為了比比,包比媽由懷孕開始在醫護人員指導下攝取葉酸,同時補充鐵質、蛋白質、碘質等,到出世後首6個月就給比比餵母乳,以補充葉酸同碘等營養。
比比妹妹由岀世到現在沒有濕疹之外,身體相對哥哥強壯,暫時未病過,還懂得自行食飯飲水。「原來首1000日對BB如此重要,我會為包比嘅成長繼續努力!」


▲包包哥哥3個月大確診患濕疹,媽媽用盡千方百計希望紓緩濕疹帶來的不適。


▲為避免妹妹比比患濕疹,包比媽聽從醫護人員意見,在比比出世後1000日特別注意營養的攝取。


▲包包哥哥現在的濕疹問題逐漸改善;比比妹妹沒有受濕疹問題困擾,包比媽總算鬆一口氣。

原來好多媽媽同包比媽一樣面對住BB濕疹問題,立刻登入https://bit.ly/2LfOUDE,睇下其他媽媽點講,仲有營養顧問嘅專業意見添。宜家係https://bit.ly/2KPJJhr分享你和BB首1000日的動人時刻,還可獲贈NUTRICIA多用途布袋乙個,先到先得!

 

延伸閱讀—BB過敏點算好?

熱門文章

BB要抱住先肯瞓覺點算好? 把握黃金時間 7招建獨立睡眠習慣
06-05
0至6歲理想生長速度表 幼兒半年至沒有增重/長高 或是生長遲緩︱幼兒成長
03-04
媽媽分享︳ Trouble 2 的確好麻煩又難湊 女兒大了全部麻煩竟變甜蜜回憶
02-11
改名|新生嬰兒改名的4大禁忌
11-14
BB來臨了 ! 10幅向大眾宣布喜訊的幽默 相片
05-18

【早產有咩好怕?】大粒細粒 依生長線成長就得!
2018-12-12
【二寶大不同】Trouble Two哥哥與Trouble Too妹妹
2018-11-28
【神奇的母乳】母乳浸浴可紓緩濕疹?
2018-11-14
【母乳媽媽的堅持】只要對BB好     一切都值得
2018-10-31
【有BB?冇BB?】囉囉攣的30日
2018-10-18
【全職媽媽有話兒】育兒路上的快樂回憶
2018-09-07
查看更多   ▸