一年容易又暑假,上年第一次帶QB到小欖充氣水上樂園,只有2歲未夠嘅佢已經玩得好開心。話咁快又一年啦,今年我哋再次參加小欖嘅沙灘派對B.Duck充氣水上樂園,就快三歲人仔嘅佢,知道可以攞正牌玩水,都開心到晏覺都唔捨得瞓。
今年破天荒同B.Duck crossover,充氣水上樂園分別於白石燒烤和小欖燒烤樂園舉行,場內有部份裝置都有B.Duck的圖案,色彩繽紛可愛,好有夏日氣氛呀!這隻4米高的B.Duck巨型充氣公仔絕對係打卡熱點。
連Locker都有B. Duck 公仔,好可愛呀。
換上泳衣嘅QB已經好心急想落水,心情興奮,自動擺甫士比我影相啦。
有過上年嘅經驗,大約都知道小欖水上樂園嘅設計,分了兩邊,分別都設有8條不同高度的滑水梯和各個大型波波水池等。
滑水梯也印有B.Duck 圖案,小朋友玩得更開心。
有幾個七彩波波池,影相好靚㗎,又有自動灑水和浮床,年紀小一點或唔敢玩滑水梯的小朋友最啱玩。
膽小的QB唔敢玩滑水梯,依條吹氣步道係佢唯一敢玩的,但都行得好斯文、好小心咁落水,認真搞笑。