【湊仔爸與返工媽】讀萬本書之後行萬里路 - 香港機場深度行
2018-07-13
豬宅年度旅行剛結束，今次我們到訪北九州（對，就是近日暴雨成災的北九州）。這趟旅程中，不少阿豬日看夜看的圖書內容呈現眼前。平日紙上談兵，現在親歷其景，阿豬興奮不已。
第一本出場的書，就是機場管理局出版的《小朋友遊大機場》。
透過這本書，阿豬對機場運作已略有概念，但對著一個個平面，仍不時有疑問，那時候我只能說：「下次去機場睇下……」
「呢架就係拉飛機嘅車呀！我喺書見過，佢好大力架！」
「我冇帶啲唔帶得嘅嘢，所以行過呢度門冇嘟嘟嘟呀！」
「啲行李會放落飛機個肚度㗎！」
「呢架就係沙田精神號，以前會飛㗎，而家係展覽品！」
機會來了，所有問題已透過阿豬自己的眼睛一一解答。一般大人搭飛機都是匆匆上機落機，但有此書的輔助，阿豬帶挈阿豬爸媽也一起來個機場深度行（我從來都沒留意吊在離境大堂那隻舊式飛機有甚麼來歷）。
阿豬媽常常想，如果沒有阿豬出現的話，有幾多東西我永遠不會去了解，幾多事情我不會去探索，幾多陋習我不會嘗試去突破。
孩子帶我們深度行的，其實不止機場，還有人生。
作者：阿豬媽@湊仔爸與返工媽
其他文章：