| 日期 | 全年適用 |
由於我哋7日6夜都主力以小朋友行程優先，所以嚟到USJ當然都係繼續小朋友優先啦。
基本上，小朋友想去邊到、玩咩我哋都會樂意配合同滿足咗佢哋先。
所以我哋四個大人基本上係無玩過任何適合大人嘅機動遊戲嘅，所以本篇都未能為大家介紹到樂園入面刺激嘅遊戲，到底係有幾好玩同有幾刺激。
但我會同大家分享樂園入面嘅所見所聞，首先介紹嘅係會令媽媽少女心大發嘅「美少女戰士Sailormoon」、然後仲有令大家充滿奇想嘅「哈利波特」。
【美少女戰士Sailormoon】
美少女戰士遊戲「The Miracle 4-D」都近正門處，正門直入步行大概數分鐘就會馬上見到!!
而其實一入園第一樣吸引到我嘅嘢，就係印有環球影城字嘅Sailormoon閃燈權杖!!!
由於小朋友行程，所以我無去體驗到「The Miracle 4-D」。就主力入咗紀念品店到行，人流同款式都超多、精品超級靚!!!
▲ 仲見到Sailor Venus幫Sailor Mars影相 (哈)
▲ 超級靚呀!!
▲ 一系列嘅首飾架!!!!