【海洋公園】免費飛暑假不適用 小學生摸門釘老師呻不值
2018-07-17
財政司司長陳茂波年初在新一份財政預算案中提到,海洋公園向中小學生派發一萬免費門票。有老師發現有關門票不適用於暑假,即使在9月至12月期間,亦只可以於閒日使用,直言「得物無所用」。
老師Jennifer Tong於Facebook上載圖文,指其學校獲分配一些海洋公園入場券,用作獎勵品德良好學生,每班一個每人兩張。他推薦了班上一個學生領取免費門票,該學生帶同一名同班好朋友於暑假第三日到海洋公園遊玩,「入場工作人員一望張飛,出事,話俾兩個妹妹知,張飛呢期唔用得!事關張飛只可以在海水公園非繁忙季節至用得!非繁忙季節係九月!十一月!一月!」
他指,可以到海洋公園的日期只有開學及考試期間,「一句講晒,得物無所用!呢啲伏,真係可一不可再!至於嗰兩位小朋友⋯⋯等我扑爛隻豬仔錢罌請你地去過把啦。」
不少網民都認為限制太多,「暑假唔俾去,咁派比學生做乜嘢」、「玩嘢咩! 小朋友梗係復活假﹑暑假﹑同聖誕去玩㗎啦」。
文章經頭條日報授權轉載