【米豬媽媽】Deal媽媽－米豬「舌累」地開雪櫃
2018-07-19
米豬越嚟越大個，又開始嘗試挑戰我底線喇！擒上櫈呢啲，我由初期嚇到响廚房彈出嚟抱佢落地大叫「NO」；到而家只係望一望，安全，就同佢講，你小心啲喎～
我知你大個仔，想好似大人咁坐櫈，唔係坐highchair，小心就OK喇～呢個人仔最近亦不時想搗破我個寶藏！通常一冇聲，就會見到佢擒咗上去摷嘢～
細路!!! 呢格係我㗎!! 你啲星星餅同小饅頭借位㗎咋~!!
如果有睇開我blog，應該都會記得個幾月前嗰篇（教媽媽 – 如何面對扭計米?）食飯暫時叫做有小小改善，但係呢，呢位小朋友行為上就開始就快激爆我喇！唔知係咪夏天熱（嗱！我有開冷氣㗎吓！30幾度我都頂唔順呀！)， 佢成日都走去開雪櫃！一開唔到 （因為我gum住咗 ೕ(⁍̴̀◊⁍̴́ฅ) ） 就會跳tic tat舞 （dum地）繼而地。
跳tic tat舞～
醜死鬼呀你！
過幾次地被我無視之後，都無減佢對雪櫃嘅熱愛。既然禁止唔到，不如比佢參與「開雪櫃」呢個action，我就同佢講：「你係咪好想打開雪櫃？不如下次媽媽開雪櫃，你嚟做小幫手好唔好？」（但同時都lock晒啲雪櫃門(✿´ ꒳ ` ) ）