×

Home

 

本地升學文章打印

來自網址: http://www.ohpama.com/?p=316095

教育點評 July 20, 2018

【Ryan Chan】不同分數的IB 畢業生入到那些大學?

愈來愈多家長想小朋友轉讀IB,看似無DSE咁大競爭同壓力 。不過對於畢業出路及入到那些大學,卻又茫無頭緒,本人IB畢業多年,創辦嘅中心教育超過三千名IB學生,可以用過來人身份分亨一下。

IB畢業生大約可以分四大類: 

1. 尖子 (總分 45分,考到40以上嘅學生, 100名學生中頭15名左右):

呢類top 15%學生普遍會讀到頂級大學嘅專科,例如港大醫科、 法律、 LSE 金融或牛津劍橋。畢業之後,一般都能成為專業人士或在金融界最頂級的公司,例如Goldman Sachs 立足。

2. 唔錯嘅學生(總分36-39分嘅學生,100名學生中頭15-50名左右) :

呢類學生一般能力較第一類略低,不過出路唔會差,會有一定機會入到英國牛津、劍橋以外嘅頂級大學, 例如 University of Warwick、LSE等等。本地大學來講,較熱門嘅科目如BBA、 Accounting&Finance機會都十分大。

3. 較落後嘅學生(總分30-35分嘅學生學生, 100名學生中頭50-90名左右):

呢類學生選擇較小,不過入大學唔成問題。如果去英國可以入到二三線大學, 如 University of Liverpool、University of Surrey等。如在香港升學,就有機會入讀港大或中大分數要求較低嘅科目,例如社會科學、 文學等。

4. 志不在讀書嘅學生 (總分低於30分嘅學生學生, 100名學生中,排尾5-10名左右):

呢類學生過唔到本地大學最低門檻,一般會到英國讀一些三缐大學。不過呢類學生極小。大多數都有讀書以外嘅志願,所以根本無盡全力讀書。例如,幾年前就有一名學生去到英國 University of John Moores讀足球,回港後做足球教練,出路都唔錯。

以上分析係小弟接觸超過三千學生而得出。當然會有例外,但大致上會準確。

值得一提嘅係, IB學生報大學分數唔係決定一切。本地同英國嘅大學都會再睇面試表現, 同入學申請文嘅質素來決定收生。因此同一分數學生可以有唔同結果。呢方面心得有機會再分享。

作者:Ryan Chan

文章由HKExcel IB Specialisthttps://www.hkexcel.org/teaching-team  提供

圖片:University of Warwick