【和牛B】過來人分享: BB濕疹護理及避免方法
2018-07-22
天氣係濕疹BB嘅最大敵人，冬天嘅時候超乾燥、而最近又潮濕又熱，都係引發濕疹嘅時候。
我哋嘅小寶貝和牛B，一出世嘅時候皮膚好滑，當滿月之後臉頰兩邊就開始出現濕疹。
起初我以為係生瘡，就無加以理會，只係用母乳塗上瘡仔部份。
隔咗兩日無好返，所以都係帶和牛B睇西醫，醫生都係斷症為濕疹，開咗類固醇藥適俾我哋。聽到類固醇藥膏，我嗰刻都非常擔心，擔心搽咗之後搞到皮膚薄晒。
但係你無辦法唔用，因為母乳咁天然都幫唔到嘅時候，就唯有靠藥物係幫佢好返。