LEGO樂高積木陪著我們成長!朗朗從BB時代就已經好鍾意砌LEGO喇!由大顆粒,砌到細顆粒,難度越高就越鍾意。晴晴亦受住哥哥影響,一樣都愛上咗LEGO,有時唔識又可以向哥哥學習,透過砌LEGO促進兄妹關係都唔錯呀!既然家有兩個LEGO fans,當然唔會錯過荃灣廣場最近做梗嘅promotion啦!一齊嚟睇下有咩嘢好玩喇喂!
LEGO Bricks誕生60週年,荃灣廣場特別同LEGO合辦「荃灣廣場xLEGO® 我們的遊樂場」,小朋友暑假又多個好去處喇!
場內所有佈置都係由積木堆砌而成,就好似走進LEGO世界咁呀!
好似呢部LEGO車咁,你哋估下用咗幾多粒LEGO砌成呢?答案係…多到數唔到~
嘩!5米長嘅LEGO雙層巴士,整得好逼真!