【港媽的第二生活】學習不當一個溫室

2018-07-26


上月某天,老公突然send給我長洲渡假屋的相片。他說:「不如去長洲住個兩日一夜,測試下BB能否在外過夜,先決定去唔去日本。」「好呀。」我不以為然。

 

去長洲前一星期,與老公經過商店看見色彩繽紛、一層一層的蛋糕款BB泳衣,我們興奮地買下。「嘩,正啊!可以去長洲沙灘同BB玩水玩沙影寫真……」爸爸想著小情人時連表情也在甜。但就在此時起,我竟然不斷地擔心。「唔知屋企支BB防曬同蚊怕水有無用呢,BB好易曬傷,啲蚊又好易傳播疾病」、「唔知邊度睇過海灘啲水菌好勁,唔可以俾啲水掂到BB塊面」……似是胡思亂想,又似合理非常的質疑不斷湧現在腦海之中。我不想掃興,又覺得每件事都可以有預防方法,如多補防曬、有太多蚊即走、抱住BB俾佢腳仔感受下啲海浪就算等等等等,所以都遏抑了自己的憂慮。難得爸爸日日工作,每日都說掛念BB,又自己買晒所有野、安排好晒。

 

戰戰兢兢上船,興奮地拍照過後,才突然醒覺BB其實有機會暈船浪架喎。「無事架,慢船唔浪。」老公安慰我。於是我繼續遏抑負能量,開心的跟BB又玩又拍照,她竟然表現從容、興奮。看見她一身渡假打扮,眉頭眼額間滲出少女味,我又好像好了一點。

 

幫BB換了泳衣後落沙灘,看見沙灘滿滿是人便覺得他們就是細菌,突然又緊張非常。「我哋去李麗珊沙灘吖,行遠少少,但少好多人。」老公的長洲朋友說。到埗後,我便急不及待為BB補防曬噴蚊怕水,BB表現有點睏,太陽亦開始下山,決定短留一會便走。「嗱,老婆,我特登買咗個游泳學習椅,BB坐在入面根本塊面唔會掂到水,你唔使驚。」老公真細心!

 

把BB放在椅上,是稍為低了一點,但還可接受。她好像有點抗拒,但漸漸適應載浮載沉的感覺。爸爸於是上水拿他的攝影器材,我繼續看著BB,突然看見一個較大的浪湧至,我拼死捉實BB,再奮力站穩抱她起身,差點她就會食到海水或被粗糙的沙石刮損,我還未來得及害怕,BB已經大哭起來。爸爸趕至抱起她,她秒速便睡著了。我們把BB放低給同行的朋友照顧,一同下水。猶有餘悸的我並沒有怪責任何人,除了自己。

應該捉實佢,佢頭先差啲整親,成塊面都係海水。」

「你放心啦,你個BB表現根本已經好大個,好勇敢,對世界好好奇。呢啲對佢嚟講係好好嘅體驗,你無得因為要保護佢,而阻止佢接觸呢個世界。我從來相信天生天養。」

「我明白啊,但如果BB因為今次發燒、生病,小病都話係體驗無所謂,咁大病呢?你會唔會內疚?」我的語氣是非常冷靜,是在理性探討我們的感性反應。

「咁你咁講,我會內疚到死,所以咪做足所有預防措施囉。但如果個天都要係咁對我哋同BB,都無辦法架。保護與過分保護之間,其實只差一線。」

 

我決定不去胡思亂想,看見BB整晚身體、情緒、胃口、皮膚都正常,便放心了不少。我個囡喎,唔係豆腐做嘅,我更加唔會令佢受傷,我要信自己。更大膽到另一天又帶她到會所泳池行下水禮。BB竟然很怕,坐在那張學習椅上不停哭。「唔使驚㗎,妳以前喺屋企吹氣泳池都係咁游架喎。」我們勉勵,她繼續哭得很慘。

「算喇老婆,同佢影兩張上就上樓了。」我竟然不想這樣,抱緊BB在泳池中上下左右的慢慢移動。「妳唔使驚架,媽咪捉實妳,唔會俾妳浸親架。妳知唔知人喺水入面感覺好輕,好似飛緊咁㗎?」我用兩手托著她的腋窩移動,讓她以趴的姿勢在水中浮動,她的表情慢慢輕鬆起來,並開始微笑。老公趕緊拍片,她竟然從容得自己踢腳,伸手觸碰相機。「藍藍,有咩嘢要同嫲嫲婆婆講啊?」爸爸訪問BB。「ERRRRRRRR,errrRRRR」BB發表技能解鎖感言。那一刻,我感到父母專屬的驕傲。

IMG_4423

BB比我想像中堅強,我慶幸自己堅持、老公細心,大家一同耐心地引導,才讓BB有個愉快的周末,在成長旅途上邁向一步。而在妳成長時,我也在成長,從這些許許多多的事,學習放手,學習鼓勵別人,學習不當一個溫室。做父母的只能盡力保護,並不能永遠禁固妳於城堡裏,阻止妳享受世界給妳最純粹、最自然的美好。「妳放心啦,妳遇到咩困難,我都會同妳一齊克服。」這是以後日子的預告。

文章首刊於《港媽的第二生活》專頁

作者:港媽的第二生活

其他文章:

【 港媽的第二生活】六句話激嬲產後媽媽系列

【港媽的第二生活】媽媽的小悲觀 怕歲月會給孩子與自己添隔膜

 

 

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

東涌火人傷貓死│女戶主用淘寶火槍煮食洩火釀禍 二級燒傷命危
2024-03-29
復活節.多圖︱福田口岸人如潮湧 市民嫌香港景點無新意:疫情時玩厭晒
2024-03-29
楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
查看更多   ▸