日期 | 全年適用 |
葵芳新都會廣場的歷奇公園在7月31日全新登場,真係親子界大喜訊!點解?我哋已經玩夠樓下一式一樣的膠公園了。今次呢個歷奇公園,係源自芬蘭6.5米高大型遊樂設施,而且有一3.5米超高戶外滑梯。
最緊要就係免費嘛!以後媽媽們Shopping可以有藉口啦,呀仔呀女都可以嚟免費放電。
呢個遊樂場有好多特色設施,包括滑梯、韆鞦、氹氹轉、健身設施等 。
而且設計仲好得意,全部都係巨型蔬菜,包括南瓜、茄子同青椒。
好似呢個親子韆鞦,可以足夠一家四口一齊坐。
不過韆鞦都有限制架,只可以一個成人、一個兒童同兩個幼童坐咋!所以我哋一家四口超晒標,所以坐吓打打咭,之後俾番佢哋玩好過。
除咗適合3歲以上,連大小朋友都可以上去一齊玩㗎。
大型遊樂設施有各式各樣攀爬設施,最啱俾小朋友練吓手腳協調。