【許許與小BELLA】7M+BB甜品:牛油果木糠布丁杯
2018-08-05
做這個BB版甜品杯的原因,是為了用盡屋企嘅米糊及牙仔餅,之前買落好多,但隨著Bella長大,佢對即食糊仔同牙仔餅都很抗拒,把餘下的丟掉又浪費、送人又不恰當,腦海一直都諗:「有咩方法可以比Bella食咗佢呢?」最近個衰妹每次路過屋企樓下嘅西餅店,都會被凍櫃入面嘅蛋糕甜品深深吸引,一直都要扯我埋去唔肯走,結果又係驅使Bella媽自製比佢食。
用晒牙仔餅及米糊仔、加多隻牛油果,就做咗個BB版牛油果木糠布丁杯。呢個甜品,七個月大嘅寶寶都可以食,但最好是即食不要放入雪櫃。如果大一點的幼兒想初嚐凍品,那也可以封好蓋面,放雪櫃雪一兩小時後即食。
材料
牛油果半隻
糊仔+配方奶
牙仔餅
做法
1. 牛油果切開後,如果夠熟,可直接壓成軟淋淋嘅牛油果蓉。如果還是較挺身,則加一點點水或配方奶,用blender打成蓉。