由細到大，我都係住九龍區，九龍城亦係我細個經常會去嘅地方。啟德機場於1998年開始停用，取而代之的是赤鱲角機場，亦即係依家嘅「香港國際機場」。
以前一到九龍城，我就會好驚。因為飛機每次升降，都會發出轟隆巨響，當時仲細嘅我，真係會驚到馬上掩耳同埋合埋雙眼，抬頭見到咁大架飛機，真係會好驚。
依家呢一切，都已成為歷史，數數手指已經廿年啦。
小朋友可能會問：「點解九龍城啲樓特別矮嘅？」
原因就係當年要遷就飛機升降，所以大廈係有高度限制。活在獅子山下，真係有無數個歷史，呢個展場唔算好大，但亦係一個集體回憶、同小朋友分享話當年嘅好去處。
小小飛機師駕駛遊戲
小朋友可以坐上飛機造型嘅電動車，於13/31嘅跑道上駕駛。每節10分鐘，只限2位小朋友進行駕駛。
*跑道範圍唔算好大，現場實拍，無隱藏位。不過，最特別嘅都係飛機造型嘅電動車。
**此遊戲適合3-10歲小朋友參加（身高限制為90-140cm）。
^ 當日我哋去到已經滿額了，唯有企喺場邊睇住人哋揸飛機啦。
參加方法：於商場內以電子消費滿$50，即可參加遊戲。（名額有限，先到先得）
活動時間：
逢星期六、日：12:30nn – 6:30pm
逢星期一至五：於指定時間內進行，請參閱九龍城廣場資料。