難得好天氣，當然係去玩水啦! 我哋星期六去咗暑期限定16日嘅「夏日黃金WATER FUN」，叫得WATER FUN當然就係同水有關啦。
而我哋揀咗第一場10:30am開始嘅時段，太陽無咁猛烈。差唔多完場時間就係正午，剛好可以玩完沖身去食晏避暑呀。
大家一定會問，入面有咩好玩呀?
激落Fun
係近期網絡HIT爆遊戲，遊戲從美國進口。玩法仲超簡單，只要瞄準標靶「擊中」，坐喺上面嘅朋友就會即刻跌落大水桶「激落FUN」。呢個遊戲可以鍛煉小朋友嘅手眼協調，加強腦部同埋大肌肉嘅運用。呢個遊戲適合大人細路，大膽嘅小朋友不防挑戰一下「被擊落」啦~
夏日冰涼爽
又係緊張、刺激嘅遊戲，因為你係唔會知道頭頂桶水幾時兜頭淋落嚟。
同樣都係力氣同埋眼界嘅遊戲，只要將球投向標靶，只要「擊中」標靶。頭頂嘅水桶就會即刻兜頭淋落嚟啦~超爽呀!!
蘑菇動感水世界系列
由4组唔同長度嘅水滑梯組成，分別有逾30呎到最長嘅80呎滑道，刺激度程度唔同，你可以自己揀。
80呎長滑道，真係超刺激呀!!
而和牛B勇敢挑戰咗呢邊嘅滑水梯，勇敢玩咗一次。
而每組水滑梯都會有專人負責灑水，確保涼快消暑之餘，喺水流嘅帶動下，令滑道瀡得更快更激。
糖果水世界
造型童趣可愛嘅大型充氣滑水梯裝置，滑水梯都好長好直~
*當日見到有大人玩，衝力超大!!! 小朋友如果自己夠膽，就俾佢自己瀡會較為大人抱住更安全。
冰爽雪糕屋
絕對係適合幼兒嘅滑水梯，超可愛嘅造型。
而和牛B亦都玩咗超級多次都唔厭。
激Fun水上飄
超得意嘅充氣大車碌，一路轉一路浮喺水上面。
水槍水彈大激戰
逗留得最長時間嘅區域，因為水池都算大，仲有好多波波。仲有浮床、水抱、水槍。
你睇佢兩父女幾溫韾~
^ 有大人、小朋友碼嘅冬甩造型水抱。
^ 海星型浮床
離開同水上遊戲之後，場內仲有其他遊戲設施，小朋友一樣會好鍾意。
STEM 百搭引水板
可以喺旁邊嘅膠箱，用水桶拎水或水樽入水。
^ 注水入喉管
^ 扭開水掣
鬼馬轉轉車
每節3分鐘，每次只限3位小朋友 (身高90-140cm)。
^ 鬼馬轉轉車仲可以360度旋轉
漆黑UFO
呢個係一個迷宮遊戲，入面係環境係漆黑一片。
絕對係一個挑戰小朋友膽量嘅遊戲呀!
*不過充氣設施，加上係密室關係，比較悶熱呢。
【場內設施】
更衣室 及 沖身處
儲物區
【心得分享】
由於活動場地安排於草地區，戶外活動建議定時搽防曬及阪蚊措施。
關於天氣問題，如果當日有雷暴警告嘅話，又想知場地開唔開放，大家可以上 We嘩 充氣嘉年華 嘅Facebook專頁，留意最新情況。
另外，由於場地只鋪防滑地墊 (一條路)，所以當遊客繞路踩咗落草地再落直接水玩嘅話…水池入面就絕對有大量草同埋泥。如果大會能夠鋪設更多嘅防滑地墊或沖腳區再落水，相信池水方便會更加乾淨。
而每節有10分鐘清場，清潔時間。
泊車嘅話，建議泊黃金海岸商場。
(收費: 星期一至四 $10/半小時; 星期五至日及公眾假期$13/半小時)
【夏日黃金WATER FUN@屯門】
活動日期：
票價：
現場每節票價：
平日 HK$160 (大小同價)
星期六、日及公眾假期 HK$200 (大小同價)
*大人唔落水唔收費，一位小朋友最多可以有一位免費大人陪同
(部份活動收益將撥捐香港移植運動協會作慈善用途)
團購優惠：
星期一至五HK$128 (大小同價)
星期六及日HK$160 (大小同價)
**90cm以下免費入場，須由一位持票家長陪同。
http://www.facebook.com/wewaland/
作者：和牛B的成長日記
