×

Home

 

海外升學文章打印

來自網址: http://www.ohpama.com/?p=324247

外升人話

【Adrian Ng】A-Level學生,你同英國TOP U只差一個clearing的距離!

今年8月16號就係英國A-Level成績放榜日,出成績當日往往都肯定會有人歡喜有人憂。對於入到自己Firm Choice、一舉高中的同學仔來說,慶祝一番是少不了的。咁,對於自己成績唔滿意的同學仔呢?考得比預期差又唔使氣餒嘅,UCAS Clearing係同學仔絕地反擊嘅好機會。

Clearing可以撈到筍位?

Clearing即係英國大學補錄取階段,在這個階段,好多大學針對一些還未招滿生的學位,有可能會降低一定程度的收生分數標準,只要學生成績符合最新入學門檻而又有位的話,你就好大可能入到一些夢寐以求或者從來都冇想過的知名大學。形象化來講,就好似去書展買書咁,臨到書展最後一日,書商都會割價促銷。亦即是說,只要捉緊這個機會,如果剛巧有「書」剩,而你又帶夠錢,好可能你就會買到一本「好書」。

A – Level 拎BBB入TOP U

咁,甚麼budget可以買到一本「好書」?大學向來不會對外公佈自己的收生底線,不過,從上個月HKDSE放榜時的Clearing情況大致推敲得到各校的要求。一心想讀生物相關學科的學生Oscar,在DSE公開試考到3個4,雖然成績不錯,但很可惜,依然入不到Firm choice的倫敦大學學院(UCL)。但在Clearing期間,取得QS世界排名TOP 100內的University of Leeds的Medical Sciences學位以及University of Nottingham的Biochemistry學位,而DSE的 4級等同於A-Level的B Grade。換言之,部分英國傳統名牌大學的某些科目,其實大概降到了BBB的要求。不過,由於名額有限,所以學生放榜當日都必須把握時間聯絡大學,儘量爭取更加多的學位。

最後機會:大學銜接課程

但是如果真係不能夠直接升大學,那適合這部分同學仔的路又是怎樣的呢?講到Foundation/國際一年級,相信在英國讀書嘅學生對它們都不陌生。如果心儀的大學冇位,或者Clearing的分數都不達標,同學仔其實可以入讀由大學與教育機構合辦的Foundation/國際一年級,以3~4年時間就可以取得大學學位,而目前有些大學銜接課程針對適合的學生還設有GBP1,000 ~GBP3,500的獎學金,包括Durham、 Lancaster、Leeds、Sheffield等知名大學。我明白好多同學都想直接入到大學,但有時如果這一刻成績唔夠,在大學銜接課程讀一年其實有助學生去改善自己學術和英文水平,這樣到升上大學時也不會感到壓力。

英國大學有時候會給學生提供一些意想不到的機會,抓緊時間一切都有可能。所以同學仔記得,冇收到Offer都唔使驚,去嘗試Clearing申請,可能係大家通往心儀學校的大門。

作者:Adrian Ng