【慈慧幼苗】一個做「好人」，一個做「壞人」？
2018-08-09
某天，我約會閨蜜分享近況，身為媽媽的她，話題當然離不開囡囡啦！
「前日囡囡想食你喺韓國送俾我哋嘅紫菜手信，我認真地同佢講只可以食一塊，她乖乖應承，但她食完一塊又想食多一塊，我當然唔准，於是她就出動喊功扭計。」
「咁你哋點樣處理呀？」
朋友續說：「老公啱啱沖完涼出嚟見到囡囡狂喊，問完我原因，就去安慰囡囡，同囡囡講知佢好想食多塊紫菜，但頭先應承咗媽媽只食一塊，所以無得再食；佢仲叫我立即拎開或食晒啲紫菜，等囡囡見唔到。」
「咁你老公都支持你、尊重你嘅做法喎！」
朋友補充：「係呀，囡囡好快安靜咗，佢讚女女：『你而家好乖、好安靜，我和媽媽一齊攬吓你先！』老公喺呢件事上做到協調嘅角色，無得失大小情人，真係做得唔錯！哈哈！」
聽到她哈哈的笑聲，我也為她有一個好老公，囡囡有個好爸爸而感恩。
解說︰
在管教小朋友方面，作為丈夫所擔當的角色非常重要，與太太有所配合、互相尊重和達一致共識，才能讓小朋友信服。正如我朋友的例子，她丈夫在整件事情上處理得很恰當，因應當刻的情況，扮演協調的角色，一方面有回應小朋友的情緒，並聰明地叫太太將女兒想吃的紫菜拿走，免得引發女兒再想吃的渴望；另一方面亦認同和尊重太太堅定的做法，與太太管教一致，有別於偏袒一方的做法。
作者︰慈慧幼苗
由慈慧幼苗親子學堂 註冊社工Rainbow 提供
慈慧幼苗互動資源平台babyparent.org，教你把握小朋友6歲前嘅黃金期，由香港理工大學同香港大學【教兒樂】專責社工主理育兒管教環節，香港大學李嘉誠醫學院兒科教授負責嬰幼兒醫護範疇，滙聚資深教育心理學家同言語治療師等，為你提供免費同及時嘅專業解答。
歡迎你like我哋Facebook Fan Page：Healthy Seed Parenting
其他文章︰