揸迷你電動車馬路飛馳 小小鐵馬「交警」 隨時被控無牌駕駛
2018-08-25
科技發達,細路仔唔玩踩單車㗎啦,玩「升呢大變身」嘅電動車,仲有廠方出埋交通警電單車造型,有網民就拍到照片,顯示有細路揸袖珍版警方電單車,變身「鐵騎士」!但小妹問過律師,咁會犯法㗎,隨時被控無牌駕駛!
成日見好多小朋友玩車仔,但呢啲唔係一般玩具車,而係縮細版嘅電單車!呢種電動車造型多多,唔單止跟足林寶堅尼、法拉利造型,仲有交通警單車。
專賣呢類兒童電動車遙控車嘅商店話畀小妹知,交通警單車造型電動車好受小朋友歡迎,事關好多小朋友大個都想做警察,所以呢款車好賣得,一個月都有成二十至三十張定單!