【和牛b】兩手揈揈去沙灘玩沙。睇住海景歎美味西餐

自從和牛B兩歲後唔再驚沙，佢就好鍾意去沙灘玩沙。不過，我哋搬咗出市區後，要去沙灘就好唔方便，因為地點通常都遠，其次就係去沙灘準備嘅嘢好多，要帶泳衣、沙灘玩具套裝、沖身用品、毛巾等，諗起都覺得好重、好多，所以都大大減低咗，假日想帶和牛B去沙灘玩嘅念頭。 

^背住無敵大海景玩沙，重點玩沙工具都係餐廳免費提供。乜都唔洗帶、唔洗洗。

今次我介紹呢間親子餐廳，完完全全幫我解決咗去沙灘玩嘅煩惱。餐廳位於珀麗灣，呢度可以遠離市區嘅煩囂，讓我放鬆心情，享受假日嘅小島風情。重點就係可以好輕鬆，兩手揈揈咁帶住和牛B去沙灘玩沙，同時又可以享用美味嘅午餐。 

餐廳旁邊就係沙灘，家長可以睇住小朋友喺沙灘玩沙，同時享受美食。

坐在窗邊，可以欣賞景色，餐廳亦有室外用餐區。 玩沙之前，當然就係要食飽先啦~ 

用餐前，餐廳仲設有圖書閣，可以俾小朋友免費閱讀圖書。

最開心係，呢到都有和牛B最愛嘅Peppa Pig圖書。

除了圖書，亦有提供填色紙及顏色筆，小朋友絕對唔會覺得悶。

仲有魔術帽借，等和牛爸爸扮魔術師變啲把戲出嚟啦~