日期 | 全年適用 |
來到大阪最後一日,亦係最後一個行程。離開海遊館,我哋開車來到臨空遊樂城SEACLE,車程不到10分鐘就到達。
臨空遊樂城SEACLE有好多好吸引嘅商店同玩樂設施,有一間超大嘅NAMCO、超大摩天輪,仲有一個都幾大嘅Food Court。最後一站,除咗小朋友可以繼續盡情放電,媽媽都可以繼續Shopping(重點Highlight 西松屋),買到上飛機為止。
[ 中文商場指南 ]
食完午餐後,爸爸就帶小朋友去CLUB yu kids Playhouse放電,媽媽就努力去掃貨!
「CLUB yu kids」放電價錢仲平到你唔信,CP值超高!
小童入場費每小時600円,需由家長陪同入場,而家長係「免費入場」!
即係話,大概HK$4X左右,就可以入場玩足一小時。
有啲波波池、大量充氣彈床設施,雖然充氣設施唔係話超級超級大型,不過每一個角落都有得玩之餘,走動地方亦夠大。
我好欣賞其中一個設施,入面放咗好多唔同顏色嘅汽球,利用多把風扇吹著遊戲區,令到汽球滿天飛。
^超有童趣味道,小朋友都玩得好開心。
^多種唔同嘅旋轉機動遊樂設施。