【Kan夫人生活雜記】育兒有感：電子奶嘴 定 與時並進

早幾日有朋友SHARE咗篇文，雖然唔係新嘅，但睇完都有啲感受。文章係講關於BB喺18個月前，最好不宜接觸iPad，因為這舉動或會令BB語言能力發展遲緩！

（節錄）「 現代人『機不離手』，不少父母照顧孩子時，亦會遞部iPad或智能手機讓幼兒使用。用這種「電子奶嘴」育兒，隨時令孩子更難學會說話。近日有研究指出，幼兒使用手提智能裝置，或會令孩子有更大機會出現言語發展遲緩問題。」

我也想分享自己一點小小個人觀點～

我同老公一人一部電話，仲有一部iPad Air，一部iPad Mini，一部Tablet……但我哋從來唔會俾BB玩，到依家丁丁三歲有多，才准許用whatsapp同朋友仔錄音傾計、一星期睇唔多過30mins的YouTube kids channel。佢最叻用我部電話影相，俾部電話佢，佢都唔識玩。