| 日期 | 全年適用 |
高鐵攪咗咁多年，終於話喺今個9月23日真式通車啦，上一次在石崗嗰邊同哥哥參與「高鐵列車開放日」睇過高鐵車廂，今次到「香港西九龍站開放日」我同芊芊去最新的西九龍站。
多謝婆婆俾咗兩張飛我同芊芊去拍拖，哈哈～
本來「飛沙封中線」單嘢真係睇到人都炆，不過既然拎咗我哋納稅人咁多錢去起嘅高鐵，阻又阻唔到，有得去玩番個晏晝就去睇吓啦！
就喺柯士甸站D2出口就可以直通去西九龍站搭高鐵。
今日星期日我哋預早半個鐘就到現場，可能有星期六的經驗，所以目測人流安排管制都幾好，基本上每等幾分鐘就可以再向前行一段。
